Bank Closed
Bank Closed: ઓલ ઈન્ડિયા બેંક ઓફિસર્સ કન્ફેડરેશન (AIBOK) એ અનેક મુખ્ય માંગણીઓ પર 24-25 ફેબ્રુઆરી, 2025 ના રોજ દેશવ્યાપી હડતાળની ધમકી આપી છે. કન્ફેડરેશન દ્વારા અઠવાડિયામાં પાંચ કાર્યકારી દિવસો, તમામ કેડરમાં પૂરતી ભરતી, કાર્યકારી પ્રદર્શનની સમીક્ષા અને પ્રદર્શન-આધારિત પ્રોત્સાહનો (PLI) પર તાજેતરના નાણાકીય સેવાઓ વિભાગ (DFS) ના નિર્દેશોને પાછા ખેંચવાની માંગ કરવામાં આવી છે. આ માંગણીઓનો હેતુ નોકરીની સુરક્ષા જાળવવા અને કર્મચારીઓમાં વિભાજન અટકાવવાનો છે.
AIBOK ની મુખ્ય માંગણીઓ:
- સ્ટાફ/ઓફિસર ડિરેક્ટરોની જગ્યાઓની ભરતી: જાહેર ક્ષેત્રની બેંકોમાં સ્ટાફ/ઓફિસર ડિરેક્ટરોની જગ્યાઓ ઝડપથી ભરવામાં આવે.
- ઇન્ડિયન બેંક્સ એસોસિએશન (IBA) સાથેના પડતર મુદ્દાઓનું નિરાકરણ: IBA સાથેના પડતર મુદ્દાઓનું ઝડપથી નિરાકરણ લાવવું જોઈએ.
- જાહેર ક્ષેત્રની બેંકોની સ્વાયત્તતા: નાણાકીય સેવાઓ વિભાગ દ્વારા જાહેર ક્ષેત્રની બેંકોની સ્વાયત્તતાને સૂક્ષ્મ-વ્યવસ્થાપનથી સુરક્ષિત રાખવી જોઈએ.
- ફેડરેશન દ્વારા કહેવામાં આવ્યું છે કે જો સરકાર આ માંગણીઓ પૂર્ણ નહીં કરે તો હડતાળની ચેતવણી ઉપરાંત વધુ કડક પગલાં લેવામાં આવી શકે છે. જાન્યુઆરીના અંત સુધીમાં ચળવળ સંબંધિત પ્રવૃત્તિઓ શરૂ થઈ શકે છે.
જાન્યુઆરી 2025 માં રાજ્યવાર બેંક રજાઓ:
- ૬ જાન્યુઆરી: શ્રી ગુરુ ગોવિંદ સિંહની જન્મજયંતિ નિમિત્તે ચંદીગઢમાં બેંકોમાં રજા.
- ૧૧ જાન્યુઆરી: ઐઝોલ અને ઇમ્ફાલમાં મિશનરી ડે પર બેંકોમાં રજા.
- ૧૪ જાન્યુઆરી: મકરસંક્રાંતિ, પોંગલ, બિહુ અને હઝરત અલીના જન્મદિવસ પર વિવિધ રાજ્યોમાં બેંકો બંધ રહેશે.
- ૧૫-૧૬ જાન્યુઆરી: તિરુવલ્લુવર દિવસ અને ઉઝાવર તિરુનલ દિવસ પર ચેન્નાઈમાં બેંકો બંધ રહેશે.
- ૨૩ જાન્યુઆરી: નેતાજી સુભાષ ચંદ્ર બોઝની જન્મજયંતિ પર કોલકાતા, અગરતલા અને ભુવનેશ્વરમાં બેંકો બંધ રહેશે.
- ભારતીય રિઝર્વ બેંક 31 જાન્યુઆરી સુધીમાં ફેબ્રુઆરી મહિનાની રજાઓની જાહેરાત કરશે.
