SBI PO Result 2026: પ્રિલિમ્સ પરીક્ષાનું પરિણામ જાહેર, આ સરળ સ્ટેપ્સથી પીડીએફમાં ચકાસો તમારો રોલ નંબર
બેંકિંગ ક્ષેત્રમાં સરકારી નોકરીની તૈયારી કરી રહેલા ઉમેદવારો માટે એક મહત્વપૂર્ણ સમાચાર સામે આવ્યા છે. સ્ટેટ બેંક ઓફ ઈન્ડિયા (SBI) એ પ્રોબેશનરી ઓફિસર (PO) ભરતી ૨૦૨૬ ની પ્રિલિમ્સ પરીક્ષાનું પરિણામ (SBI PO Prelims Result 2026) સત્તાવાર રીતે જાહેર કરી દીધું છે.
જે ઉમેદવારોએ ઓગસ્ટ મહિનામાં આયોજિત પ્રારંભિક પરીક્ષામાં ભાગ લીધો હતો, તેઓ હવે બેંકની અધિકૃત વેબસાઇટ પર જઈને પોતાનું સ્કોરકાર્ડ અને રોલ નંબર ચકાસી શકે છે. પ્રિલિમ્સ પરીક્ષામાં ઉત્તીર્ણ થયેલા ઉમેદવારોને હવે આ પસંદગી પ્રક્રિયાના આગામી અને અત્યંત મહત્વપૂર્ણ તબક્કા એટલે કે મેન્સ પરીક્ષા (Mains Exam) માં બેસવાની તક મળશે.
એસબીઆઈ આ ખાસ ભરતી અભિયાન મારફતે દેશભરમાં બેંકિંગ સુવિધાઓને મજબૂત કરવા માટે કુલ ૧,૫૦૦ પ્રોબેશનરી ઓફિસરના પદો પર ઉમેદવારોની સીધી નિમણૂક કરશે. ઉલ્લેખનીય છે કે પ્રિલિમ્સ પરીક્ષામાં ઉમેદવારો પાસેથી ઈંગ્લિશ લેંગ્વેજ (English Language), ક્વોન્ટિટેટિવ એપ્ટિટ્યુડ (Quantitative Aptitude) અને રીઝનિંગ એબિલિટી (Reasoning Ability) જેવા વિષયોમાંથી કુલ ૧૦૦ ગુણના પ્રશ્નો પૂછવામાં આવ્યા હતા.
જાહેરાત ક્રમાંક અને પરિણામ ચકાસવાની વિગત
એસબીઆઈ દ્વારા આ પરિણામ ઓનલાઈન પોર્ટલ પર એક પીડીએફ (PDF) યાદી સ્વરૂપે મુકવામાં આવ્યું છે. ઉમેદવારો આ રિઝલ્ટ પીડીએફમાં પોતાનો રોલ નંબર શોધીને પરિણામ જોઈ શકે છે.
જે ઉમેદવારોના રોલ નંબર આ પસંદગી યાદીમાં સામેલ છે, તેમને જ આગળના તબક્કા માટે શોર્ટલિસ્ટ કરવામાં આવ્યા છે. આ ભરતી પ્રક્રિયા સત્તાવાર જાહેરાત ક્રમાંક (Advertisement No.) CRPD/PO/2026-27/09 હેઠળ હાથ ધરવામાં આવી રહી છે. અત્રે ઉલ્લેખનીય છે કે, એસબીઆઈ પીઓ પ્રિલિમ્સ પરીક્ષા ૧ અને ૨ ઓગસ્ટ ૨૦૨૬ ના રોજ દેશભરના વિવિધ પરીક્ષા કેન્દ્રો પર અલગ-અલગ શિફ્ટમાં સફળતાપૂર્વક આયોજિત કરવામાં આવી હતી.
હવે 12 સપ્ટેમ્બરે યોજાશે મેન્સ પરીક્ષા
પ્રિલિમ્સ પરીક્ષામાં સફળતા મેળવનારા તમામ ઉમેદવારો હવે ભરતી પ્રક્રિયાના બીજા તબક્કા એટલે કે મુખ્ય પરીક્ષા (Mains Exam) માં ભાગ લેશે.
મળતી તાજી માહિતી અનુસાર, એસબીઆઈ પીઓ મેન્સ પરીક્ષા ૧૨ સપ્ટેમ્બર ૨૦૨૬ ના રોજ યોજવા માટે પ્રસ્તાવિત (Tentative) કરવામાં આવી છે. મુખ્ય પરીક્ષા માટેના એડમિટ કાર્ડ (Call Letter) અને પરીક્ષા કેન્દ્ર સંબંધિત અન્ય માહિતી એસબીઆઈ દ્વારા ટૂંક સમયમાં અલગથી પોતાના સત્તાવાર પોર્ટલ પર જારી કરવામાં આવશે.
SBI PO પ્રિલિમ્સ પરિણામ કેવી રીતે ચકાસવું?
જો તમે પણ આ પરીક્ષા આપી હતી, તો નીચે દર્શાવેલા સરળ સ્ટેપ્સને અનુસરીને તમારું પરિણામ ચકાસી શકો છો:
૧. સૌપ્રથમ એસબીઆઈની સત્તાવાર વેબસાઇટ sbi.co.in/web/careers પર જાઓ.
૨. હોમપેજ પર આપેલા ‘Join SBI’ વિકલ્પ હેઠળ ‘Careers’ સેક્શન પર કલિક કરો.
૩. ત્યારબાદ ‘Current Openings’ અથવા ‘Recruitment Results’ ના વિભાગમાં જાઓ.
૪. ત્યાં ‘Recruitment of Probationary Officers (Advt. No. CRPD/PO/2026-27/09)’ લિંક પર ક્લિક કરો.
૫. હવે ‘Preliminary Examination Result / Selected Candidates List’ ની લિંક ઓપન કરો.
૬. તમારી સ્ક્રીન પર એક PDF ફાઇલ ખુલશે. તેમાં Ctrl + F કમાન્ડનો ઉપયોગ કરીને તમારો રોલ નંબર ટાઈપ કરો અને સર્ચ કરો. ૭. જો તમારો રોલ નંબર તે યાદીમાં દર્શાવે છે, તો તમે મેન્સ પરીક્ષા માટે શોર્ટલિસ્ટ થઈ ગયા છો.
ઉમેદવારોએ આ મહત્વપૂર્ણ બાબતો ધ્યાનમાં રાખવી
પરિણામ ચકાસતી વખતે તમામ ઉમેદવારોએ પોતાનો રજિસ્ટ્રેશન નંબર, રોલ નંબર અને જન્મતારીખ અથવા પાસવર્ડ તૈયાર રાખવો. એસબીઆઈ દ્વારા પ્રિલિમ્સ રિઝલ્ટ અંગે કોઈ પણ ઉમેદવારને અલગથી ઈમેલ કે એસએમએસ (SMS) મોકલવામાં આવશે નહીં. તેથી દરેક ઉમેદવારે સત્તાવાર વેબસાઈટ પર જઈને જ પોતાનું સ્ટેટસ ચેક કરવાનું રહેશે. મેન્સ પરીક્ષાના એડમિટ કાર્ડ ડાઉનલોડ કરવા માટેની લિંક પણ આગામી દિવસોમાં પોર્ટલ પર સક્રિય કરવામાં આવશે.
