ચહેરા પર લાવવો છે ઇન્સ્ટન્ટ ગ્લો? ફેશિયલ કરાવતા પહેલાં જાણી લો આ મહત્વની બાબતો
આજના સમયમાં સુંદર, નિતારી અને ગ્લોઇંગ ત્વચા મેળવવી દરેક વ્યક્તિનું સ્વપ્ન હોય છે. નિયમિતપણે ફેશિયલ કરાવવાથી ત્વચાની ઊંડાણપૂર્વક સફાઈ થાય છે અને બ્લડ સર્ક્યુલેશન સુધરે છે. આનાથી ચહેરા પર નવી ચમક આવે છે, સ્ટ્રેસ ઓછો થાય છે અને ત્વચાના રોમછિદ્રો (pores) માં જમા થયેલી ગંદકી તથા વધારાનું તેલ દૂર થાય છે. ફેશિયલથી ડેડ સ્કિન હટી જાય છે અને એન્ટી-એજિંગ અસરો જેમ કે બારીક કરચલીઓ ઓછી થાય છે. હાલમાં ત્વચાને ચમકદાર બનાવવા માટે ‘કોરિયન ફેશિયલ’ અને ‘હાઇડ્રા ફેશિયલ’ ખૂબ જ લોકપ્રિય બન્યા છે. જો તમે પણ ફેશિયલ કરાવવાનું વિચારી રહ્યા છો, તો ચાલો જાણીએ કે તમારી સ્કિન માટે કયું ફેશિયલ વધુ યોગ્ય રહેશે.
કોરિયન ફેશિયલ: કોના માટે ઉત્તમ અને કેવી રીતે કરે છે કામ?
જો તમારી ત્વચા અત્યંત ડ્રાય (રૂખી), ઓઇલી, સેન્સિટિવ કે બેજાન દેખાતી હોય, તો કોરિયન ફેશિયલ તમારા માટે એક ઉત્તમ વિકલ્પ છે. આ ફેશિયલ ત્વચાને કુદરતી રીતે અંદરથી નિખારે છે અને મોઇશ્ચર જાળવી રાખે છે. જોકે, ચહેરા પર વધુ પડતા ખીલ (acne), ઘા કે ત્વચાનું ઇન્ફેક્શન હોય તો ડર્મેટોલોજિસ્ટની સલાહ લીધા પછી જ તે કરાવવું જોઈએ.
કાર્યપદ્ધતિ: કોરિયન ફેશિયલમાં સૌથી પહેલા ચહેરાની ‘ડબલ ક્લીન્ઝિંગ’ કરવામાં આવે છે. તે પછી હળવું એક્સફોલિયેશન કરીને ડેડ સ્કિન હટાવવામાં આવે છે. ત્યારબાદ ટોનર, એસેન્સ અને વિટામિન-યુક્ત સિરમ લગાડવામાં આવે છે. છેલ્લે ગ્લોઇંગ શીટ માસ્ક, મોઇશ્ચરાઇઝર અને સનસ્ક્રીન લગાવીને આ પ્રક્રિયા પૂરી થાય છે.
ફાયદા: આ ફેશિયલમાં વપરાતા સિરમ અને શીટ માસ્ક ત્વચાને ઊંડાણપૂર્વક હાઇડ્રેટ કરે છે. હળવા હાથની મસાજથી ચહેરાના સ્નાયુઓને આરામ મળે છે અને ત્વચા એકદમ સોફ્ટ અને ફ્રેશ દેખાય છે.
હાઇડ્રા ફેશિયલ: આધુનિક ટેકનોલોજીથી ત્વચાની ઊંડી સફાઈ
હાઇડ્રા ફેશિયલ ડ્રાય, ઓઇલી, કોમ્બિનેશન અને સેન્સિટિવ તમામ પ્રકારની સ્કીન ધરાવતા લોકો માટે અનુકૂળ છે. જો તમને બ્લેકહેડ્સ, વ્હાઇટહેડ્સ, ઓપન પોર્સ કે ડાઘ-ધબ્બાની સમસ્યા હોય તો હાઇડ્રા ફેશિયલ શ્રેષ્ઠ પરિણામ આપે છે.
કાર્યપદ્ધતિ: આ ફેશિયલમાં ખાસ મશીનનો ઉપયોગ થાય છે. સૌથી પહેલા મશીન વોશથી ડેડ સ્કિન દૂર કરાય છે. પછી એક ખાસ પીલિંગ સોલ્યુશનથી પોર્સની ગંદકી પોચી કરવામાં આવે છે. ત્યારબાદ વૈક્યુમ ટેકનોલોજી (Sucking process) ની મદદથી બ્લેકહેડ્સ અને જમા થયેલું તેલ બહાર ખેંચી લેવામાં આવે છે. છેલ્લે હાઇડ્રોનિક એસિડ અને એન્ટી-ઓક્સિડન્ટ્સ ધરાવતા સિરમથી ત્વચાને હાઇડ્રેટ કરાય છે.
ફાયદા: આ પ્રોસેસથી સ્કિનનું ટેક્સચર સુધરે છે, પોર્સ સાફ થાય છે અને ચહેરો તરત જ ગ્લોઇંગ તથા હાઇડ્રેટેડ નજરે પડે છે.
તમારા માટે કયું ફેશિયલ યોગ્ય રહેશે?
જો તમારો મુખ્ય હેતુ ત્વચાની નમી (hydration) જાળવી રાખવાનો, સોફ્ટનેસ મેળવવાનો અને કુદરતી ચમક લાવવાનો હોય, તો તમારે કોરિયન ફેશિયલ પસંદ કરવું જોઈએ. પરંતુ જો તમારા ચહેરા પર બ્લેકહેડ્સ, વારંવાર જમા થતું તેલ કે બંધ રોમછિદ્રોની સમસ્યા વધુ હોય અને તમે ડીપ ક્લીનિંગ ઇચ્છતા હોવ, તો હાઇડ્રા ફેશિયલ તમારા માટે બેસ્ટ ઓપ્શન રહેશે.
