5000 કરોડની સંપત્તિ અને મોટું રાજકીય પદ: જાણો ભાજપમાં જોડાનાર AAP સાંસદોની આર્થિક વિગતો
આ જૂથમાં સામેલ નેતાઓની સંપત્તિમાં મોટો તફાવત જોવા મળે છે. કેટલાક નેતાઓ અબજોપતિ છે, જ્યારે કેટલાકની સંપત્તિ લાખોમાં છે.
સૌથી ધનિક સાંસદ: રાજેન્દ્ર ગુપ્તા
આ યાદીમાં રાજેન્દ્ર ગુપ્તા સૌથી મોખરે છે. ADR ના રિપોર્ટ અનુસાર તેમની કુલ સંપત્તિ 5000 કરોડ રૂપિયા થી વધુ છે. તેઓ માત્ર આ જૂથમાં જ નહીં, પરંતુ સમગ્ર રાજ્યસભાના સૌથી ધનિક સભ્યોમાં ગણાય છે.
અન્ય અગ્રણી સાંસદોની સંપત્તિ
વિક્રમજીત સિંહ સાહની: યાદીમાં બીજા ક્રમે વિક્રમજીત સિંહ છે. એક સફળ ઉદ્યોગસાહસિક તરીકે તેમની કુલ સંપત્તિ અંદાજે 498 કરોડ રૂપિયા થી વધુ છે.
હરભજન સિંહ: પૂર્વ ક્રિકેટર હરભજન સિંહની જાહેર કરેલી સંપત્તિ આશરે 81.8 કરોડ રૂપિયા થી વધુ છે. તેમની આવક મુખ્યત્વે ક્રિકેટ, જાહેરાતો અને બિઝનેસ રોકાણોમાંથી છે.
અશોક મિત્તલ: લવલી પ્રોફેશનલ યુનિવર્સિટીના સ્થાપક અશોક મિત્તલ પાસે 50 કરોડ રૂપિયા થી વધુની સંપત્તિ છે.
ઓછી સંપત્તિ ધરાવતા નેતાઓ
એક તરફ જ્યાં અબજોપતિ નેતાઓ છે, બીજી તરફ એવા પણ સાંસદો છે જેમની સંપત્તિ મર્યાદિત છે:
રાઘવ ચઢ્ઢા: 2024 ના એફિડેવિટ મુજબ તેમની સંપત્તિ 37 લાખ થી 55 લાખ રૂપિયા ની વચ્ચે છે.
સંદીપ પાઠક: તેમની સંપત્તિ અંદાજે 22 લાખ થી 25 લાખ રૂપિયા દર્શાવવામાં આવી છે.
સ્વાતિ માલીવાલ: રાજ્યસભા ચૂંટણી સમયે આપેલા એફિડેવિટ મુજબ તેમની સંપત્તિ આશરે 19.5 લાખ રૂપિયા છે.
આ સાંસદોના પક્ષ પલટાથી આમ આદમી પાર્ટીને મોટો ફટકો પડવાની શક્યતા છે, જ્યારે આ આંકડાઓ ભારતીય રાજકારણમાં રહેલી આર્થિક વિવિધતાને સ્પષ્ટપણે રજૂ કરે છે.
