Inflation
મોંઘવારી દરેકની કમર તોડી રહી છે, પરંતુ આ મોંઘવારીથી સૌથી વધુ પરેશાન મધ્યમ વર્ગ અને સામાન્ય લોકો છે. સમાજના મોટા વર્ગને રાહત આપવા માટે સરકાર આગામી સમયમાં નવી બચત યોજના લાવી શકે છે. મોંઘવારીના વધતા દબાણ વચ્ચે કેન્દ્ર સરકાર ટૂંક સમયમાં મધ્યમ વર્ગ માટે નવી બચત યોજના લાવવા જઈ રહી છે.
બિઝનેસ સ્ટાન્ડર્ડના રિપોર્ટ અનુસાર, આ સ્કીમ એવા બોન્ડ પર આધારિત હશે જેમાં વ્યાજ દર એવરેજ કન્ઝ્યુમર પ્રાઇસ ઇન્ડેક્સ (CPI) ફુગાવાના દર કરતા ઘણા વધારે હશે. નાણામંત્રી નિર્મલા સીતારમણ આગામી બજેટમાં આને મહત્વની પહેલ તરીકે રજૂ કરી શકે છે.
સંસદના સત્ર બાદ શરૂ કરવામાં આવે તેવી શક્યતા છે
આ બોન્ડને લઈને નાણા મંત્રાલય અને ભારતીય રિઝર્વ બેંક (RBI) વચ્ચે વાતચીત થઈ છે. આગામી બજેટ સત્રમાં આ યોજના શરૂ થવાની શક્યતાઓ જણાવવામાં આવી રહી છે. આ યોજના માત્ર મધ્યમ વર્ગ માટે બચતના વધુ સારા વિકલ્પો પ્રદાન કરશે નહીં, પરંતુ વર્તમાન આર્થિક પડકારોનો સામનો કરવામાં પણ મદદ કરશે.
આ નવા બોન્ડની રચના મધ્યમ વર્ગને મોંઘવારીમાંથી રાહત આપવાના ઉદ્દેશ્યથી કરવામાં આવી છે. આના પર ઉપલબ્ધ વ્યાજ દરો વર્તમાન ફુગાવાના દર કરતા વધારે હશે. ઓક્ટોબરમાં છૂટક ફુગાવાનો દર 6.21 ટકા હતો. જોકે, કોર ફુગાવો ઓક્ટોબરમાં 3.7 ટકાથી વધીને નવેમ્બરમાં 3.8 ટકા થવાની ધારણા છે. ફુગાવાનું કારણ ખાદ્યપદાર્થો, ખાસ કરીને શાકભાજીના ભાવમાં વધારો હતો.
