Virat Kohli એ એવું શું પોસ્ટ કર્યું કે માત્ર 53 મિનિટમાં મળી ગયા 53 લાખ લાઈક્સ?
વિરાટ કોહલી: વિરાટ કોહલી આજકાલ ચર્ચાનો વિષય બનેલો છે. પરંતુ આ સમય દરમિયાન, કોહલીએ તેના સોશિયલ મીડિયા પર એવી શું પોસ્ટ કરી જે 53 મિનિટમાં વાયરલ થઈ ગઈ અને 53 લાખ લાઈક્સ મળી. તેના વિશે સંપૂર્ણ વિગતો અહીં વાંચો.
Virat Kohli: ભારતીય ક્રિકેટ સુપરસ્ટાર વિરાટ કોહલીએ સોમવારે તેના સોશિયલ મીડિયા હેન્ડલ પર એક પોસ્ટ પોસ્ટ કરી જેને 53 મિનિટમાં 5.3 મિલિયન લાઈક્સ મળી છે. તેમની પોસ્ટ પર હજારો કોમેન્ટ્સ અને શેર થયા છે. કિંગ કોહલીએ ખૂબ જ મોટો નિર્ણય લીધો છે. તેણે ટેસ્ટ ક્રિકેટમાંથી નિવૃત્તિની જાહેરાત કરી છે. તેમના આ નિર્ણયથી સોશિયલ મીડિયા પર ધૂમ મચી ગઈ અને તેમના ચાહકો તરફથી પ્રતિક્રિયાઓનો પ્રવાહ આવ્યો.
સોશિયલ મીડિયા પર ધમાલ
જેમજ વિરાટ કોહલીએ ટેસ્ટ ક્રિકેટમાંથી નિવૃત્તિની જાહેરાત કરી, તેમજ સોશિયલ મીડિયામાં તેમની પોસ્ટને માત્ર 53 મિનિટમાં 5.3 મિલિયન લાઈક્સ મળી ગયા. આ આંકડો સ્પષ્ટ દર્શાવે છે કે તેઓ ચાહકોમાં કેટલા લોકપ્રિય છે અને તેમને કેટલી ઇજ્જત મળતી હોય છે. તેમના આ નિર્ણય પર ફેન્સ, ક્રિકેટ એક્સપર્ટ્સ અને તેમના સાથી ખેલાડીઓ તરફથી વિવિધ પ્રતિસાદ આવી રહ્યા છે.
કોહલીના નિર્ણયએ ક્રિકેટ જગતને ચોંકાવ્યું, પરંતુ તેમના ફેન્સ આજે પણ તેમને એક મહાન ક્રિકેટર અને ભારતીય ક્રિકેટનો અગત્યનો હિસ્સો માને છે. તેમની આ પોસ્ટ અત્યાર સુધી સોશિયલ મીડિયા પર વાયરલ થઈ ચૂકી છે અને બધા હવે તેમને જોઈ રહ્યા છે.
ભારતમાં સૌથી વધુ ફોલોઅર્સ ધરાવતો ક્રિકેટર
સોશિયલ મીડિયા પર વિરાટ કોહલી ભારતનો સૌથી વધુ ફોલો કરવામાં આવતો ક્રિકેટર છે. તેમના ઇન્સ્ટાગ્રામ પર 271 મિલિયન ફોલોઅર્સ છે, જેમાંથી તેઓ માત્ર 277 લોકોને જ ફોલો કરે છે. કોહલીએ અત્યાર સુધીમાં 1,030 પોસ્ટ્સ શેર કરી છે. “કિંગ કોહલી” તરીકે ઓળખાતા વિરાટ સોશિયલ મીડિયા પર ખુબ જ લોકપ્રિય છે.
View this post on Instagram
વિરાટનો ક્રિકેટ કરિયર
વિરાટ કોહલીએ 2011માં પોતાના ટેસ્ટ ક્રિકેટ કરિયરની શરૂઆત કરી હતી અને ત્યારથી આજદિન સુધી તેઓએ ટેસ્ટ ક્રિકેટમાં શાનદાર પ્રદર્શન કર્યું છે. કોહલીએ 123 ટેસ્ટ મેચમાં 30 સદી અને 31 અર્ધસદીની મદદથી કુલ 9230 રન બનાવ્યા છે. તેમનો ટેસ્ટ કરિયર હંમેશા યાદગાર રહેશે.
