SSC CHSL ભરતી 2026: ૧૨મું પાસ યુવાનો માટે ૨,૫૩૬ જગ્યાઓ પર સરકારી નોકરીની સુવર્ણ તક, જાણો અરજી પ્રક્રિયા અને પગાર
સરકારી નોકરીની તૈયારી કરી રહેલા ૧૨મું પાસ યુવાનો માટે એક ખૂબ જ મોટા અને ખુશખબર સામે આવ્યા છે. સ્ટાફ સિલેક્શન કમિશન (SSC) એ કમ્બાઇન્ડ હાયર સેકન્ડરી લેવલ એક્ઝામિનેશન એટલે કે SSC CHSL 2026 માટે ઓનલાઇન અરજી પ્રક્રિયા શરૂ કરી દીધી છે. આ ભરતી પ્રક્રિયા દ્વારા વિવિધ કેન્દ્રીય મંત્રાલયો અને સરકારી વિભાગોમાં કુલ ૨,૫૩૬ જેટલી જગ્યાઓ પર ઉમેદવારોની પસંદગી કરવામાં આવશે. જો તમે પણ સરકારી ક્ષેત્રે કારકિર્દી બનાવવાનું સ્વપ્ન જોઈ રહ્યા છો, તો આ તક બિલકુલ ચૂકવા જેવી નથી. આવો જાણીએ આ ભરતી વિશેની તમામ મહત્વપૂર્ણ વિગતો.
કયા કયા પદો પર થઈ રહી છે ભરતી?
SSC CHSL 2026 હેઠળ મુખ્યત્વે ત્રણ પ્રકારના પદો પર ભરતી કરવામાં આવી રહી છે: ૧. લોઅર ડિવિઝનલ ક્લાર્ક (LDC) / જુનિયર સેક્રેટરિયેટ આસિસ્ટન્ટ (JSA) ૨. ડેટા એન્ટ્રી ઓપરેટર (DEO) ૩. ડેટા એન્ટ્રી ઓપરેટર ગ્રેડ-એ (DEO Grade A)
આયોગ દ્વારા હાલમાં આશરે ૨,૫૩૬ સંભવિત જગ્યાઓની જાહેરાત કરવામાં આવી છે. પદ અને કેટેગરી અનુસાર આખરી જગ્યાઓની વિગતો ટૂંક સમયમાં SSCની સત્તાવાર વેબસાઇટ પર જાહેર કરવામાં આવશે. અરજી પ્રક્રિયા ૭ સપ્ટેમ્બરથી શરૂ થઈ ચૂકી છે અને ઈચ્છુક ઉમેદવારો ૭ ઓક્ટોબર 2026 સુધી ઓનલાઈન ફોર્મ ભરી શકે છે.
શૈક્ષણિક લાયકાત અને વય મર્યાદા
શૈક્ષણિક લાયકાત: LDC, JSA અને મોટાભાગના DEO પદો માટે ઉમેદવારે દેશની કોઈપણ માન્યતા પ્રાપ્ત બોર્ડમાંથી ૧૨મું ધોરણ પાસ કરેલું હોવું જરૂરી છે. જોકે, ગ્રાહક બાબતો, ખાદ્ય અને જાહેર વિતરણ મંત્રાલય તેમજ સંસ્કૃતિ મંત્રાલયમાં DEO અને DEO ગ્રેડ-એ ના પદો માટે ૧૨મા ધોરણમાં સાયન્સ સ્ટ્રીમ સાથે ગણિત (Mathematics) વિષય હોવો ફરજિયાત છે. જે ઉમેદવારોએ ૧૨માની પરીક્ષા આપી છે તે પણ અરજી કરી શકે છે, પરંતુ તેમની શૈક્ષણિક યોગ્યતા ૭ ઓક્ટોબર 2026 સુધીમાં પૂર્ણ થઈ જવી જોઈએ.
વય મર્યાદા: ઉમેદવારની ઉંમર ૧૮ થી ૨૭ વર્ષની વચ્ચે હોવી જોઈએ. જે ઉમેદવારોનો જન્મ ૨ ઓગસ્ટ ૧૯૯૯ પહેલા અને ૧ ઓગસ્ટ ૨૦૦૮ પછી થયો હોય તેઓ અરજી કરી શકશે નહીં. સરકારી નિયમો મુજબ અનામત વર્ગના ઉમેદવારોને ઉપલી વય મર્યાદામાં છૂટછાટ આપવામાં આવશે.
આકર્ષક પગાર ધોરણ (Salary Structure)
SSC CHSL હેઠળ પસંદગી પામનાર ઉમેદવારોને પદ અનુસાર ૭મા કેન્દ્રીય પગાર પંચ (7th Pay Commission) મુજબ ખૂબ જ આકર્ષક પગાર મળશે:
LDC / JSA (Pay Level-2): રૂ. ૧૯,૯૦૦ થી રૂ. ૬૩,૨૦૦
DEO (Pay Level-4): રૂ. ૨૫,૫૦૦ થી રૂ. ૮૧,૧૦૦
DEO (Pay Level-5): રૂ. ૨૯,૨૦૦ થી રૂ. ૯૨,૩૦૦
DEO Grade A (Pay Level-4): રૂ. ૨૫,૫૦૦ થી રૂ. ૮૧,૧૦૦
પસંદગી પ્રક્રિયા (Selection Process)
ઉમેદવારોની પસંદગી બે તબક્કામાં કમ્પ્યુટર આધારિત પરીક્ષા (CBT) દ્વારા કરવામાં આવશે:
ટાયર-૧ (Tier-1): આમાં અંગ્રેજી, જનરલ ઇન્ટેલિજન્સ, ક્વોન્ટિટેટિવ એપ્ટિટ્યુડ અને જનરલ અવેરનેસમાંથી પ્રશ્નો પૂછાશે. દરેક ખોટા જવાબ માટે ૦.૫૦ ગુણનું નેગેટિવ માર્ક્સ રહેશે.
ટાયર-૨ (Tier-2): આમાં વિષયવાર ટેસ્ટ ઉપરાંત કમ્પ્યુટર નોલેજ ટેસ્ટ અને પદ અનુસાર સ્કિલ અથવા ટાઇપિંગ ટેસ્ટ લેવામાં આવશે. ટાયર-૨ના બંને સેશન એક જ દિવસે યોજાશે.
ઓનલાઈન અરજી કેવી રીતે કરવી?
૧. સૌથી પહેલા સત્તાવાર વેબસાઇટ ssc.gov.in પર જાઓ.
૨. વેબસાઇટ પર ‘New Registration’ કરીને લોગિન આઈડી મેળવો.
૩. લોગિન કર્યા બાદ ‘SSC CHSL 2026’ એપ્લિકેશન ફોર્મ પસંદ કરો.
૪. માગેલી તમામ પર્સનલ અને શૈક્ષણિક વિગતો ભરી જરૂરી ડોક્યુમેન્ટ્સ અપલોડ કરો.
૫. નિયત અરજી ફીનું ઓનલાઈન પેમેન્ટ કરો.
૬. ફોર્મની તમામ વિગતો ફરી ચકાસી સબમિટ કરો અને કન્ફર્મેશન પેજની પ્રિન્ટ આઉટ ડાઉનલોડ કરી લો.
