મહિલાઓને ઘરમાં પૂરી રાખવી એ સુરક્ષા નથી: જમુઈ અને દિલ્હી ઘટના પર રાહુલ ગાંધીના પ્રહાર
દેશમાં મહિલાઓની સુરક્ષા, તેમની સ્વતંત્રતા અને સમાજમાં વ્યાપ્ત પિતૃસત્તાક માનસિકતાને લઈને લોકસભામાં વિપક્ષના નેતા અને કોંગ્રેસ સાંસદ રાહુલ ગાંધીએ કેન્દ્ર સરકાર તથા સમાજ સામે કેટલાક તીખા સવાલો ઉઠાવ્યા છે. તેમણે સ્પષ્ટ શબ્દોમાં જણાવ્યું છે કે મહિલાઓ અને સગીરો સામે વધતા ગુનાઓને રોકવા માટે તેમને ઘરમાં બંધ કરી રાખવી એ ક્યારેય ઉકેલ હોઈ શકે નહીં. સાચો ઉકેલ એ છે કે આપણી સડકો, જાહેર સ્થળો અને કાર્યસ્થળોને મહિલાઓ માટે સંપૂર્ણપણે સુરક્ષિત બનાવવામાં આવે અને ગુનેગારો સામે ઝડપી તથા કડક કાર્યવાહી કરવામાં આવે.
જમુઈ અને દિલ્હીની ઘટનાઓ પર ચિંતા વ્યક્ત કરી
રાહુલ ગાંધીએ તાજેતરમાં બિહારના જમુઈ અને દેશની રાજધાની દિલ્હીમાં નાબાલિક છોકરીઓ સાથે બનેલી શરમજનક ઘટનાઓનો ઉલ્લેખ કરીને ઊંડી ચિંતા વ્યક્ત કરી હતી. બિહારના જમુઈમાં 10મા ધોરણમાં ભણતા એક વિદ્યાર્થી અને વિદ્યાર્થીનીને રસ્તા પર રોકીને કેટલાક અસામાજિક તત્વો દ્વારા સગીરા સાથે ગેરવર્તણૂક કરવામાં આવી હતી. આ ઘટનાનો વિડીયો વાયરલ થયા બાદ સોશિયલ મીડિયા પર પ્રતિક્રિયા આપતા રાહુલ ગાંધીએ સવાલ કર્યો હતો કે, “કોઈપણ પુરુષને કોઈ મહિલા કે સગીરાના શરીર, તેના આવવા-જવા કે તેની પસંદગી પર નિયંત્રણ રાખવાનો અધિકાર કોણે આપ્યો?” તેમણે આ ઘટનાને વિકૃત પિતૃસત્તાક માનસિકતાનું પરિણામ ગણાવીને દોષિતો સામે ‘પોક્સો’ (POCSO) કાયદા હેઠળ કડક કાર્યવાહી કરવાની માગ કરી હતી.
Stop punishing women for the crimes committed against them.
Across our country, women are afraid to walk the streets, afraid of being harassed, afraid of being raped. And the government’s answer: stay at home.
This is patriarchy at work: a system that blames the victim and shields the criminal. It is time to smash it.
The solution is not to lock women inside. It is to make our streets safe, to confront the mindset of men who mistreat women, and to punish those who attack them, swiftly and without exception.
Thousands of students and young people are on the streets demanding safety for women. I urge even more young women, especially GenZ across India to come out in stronger numbers.
This government is deaf to your pain and will only listen when it’s under pressure.
Peaceful protest is your democratic right, and I stand with you wholeheartedly.
— Rahul Gandhi (@RahulGandhi) September 29, 2026
બીજી તરફ, દિલ્હીના આસ્થા કુંજ પાર્કમાં 17 વર્ષની સગીરા સાથે બનેલી કથિત ગેંગરેપની ઘટનાએ પણ સમગ્ર દેશને ઝંઝોડી મૂક્યો છે. આ કેસમાં પોલીસ કર્મચારી હોવાનો દાવો કરીને કેટલાક શખ્સોએ સગીરા સાથે બર્બરતા આચરી હતી. આ ઘટના બાદ દિલ્હી યુનિવર્સિટીના વિદ્યાર્થીઓએ રસ્તા પર ઉતરીને ભારે વિરોધ પ્રદર્શન કર્યું હતું અને જાહેર સ્થળોએ સુરક્ષા વધારવાની માગ કરી હતી.
ઘરમાં કેદ કરવી એ સુરક્ષા નથી: કડક સંદેશ
મહિલા સુરક્ષાના મુદ્દા પર ચર્ચા કરતા રાહુલ ગાંધીએ કહ્યું કે આજે દેશના વિવિધ ભાગોમાં મહિલાઓ જ્યારે રસ્તા પર નીકળે છે ત્યારે તેમને ઉત્પીડન અને હિંસાનો ભય સતાવતો હોય છે. આવી સ્થિતિમાં સમાજ કે સરકાર તરફથી મહિલાઓને ઘરમાં જ રહેવાની કે તેમની આઝાદી સીમિત કરવાની જે સલાહ આપવામાં આવે છે, તે માનસિકતા જ ખોટી છે.
તેમણે ઉમેર્યું કે ગુના માટે પીડિતાને જવાબદાર ઠેરવવી અને ગુનેગારો સામે સમયસર કાર્યવાહી ન કરવી એ જ પિતૃસત્તાક વ્યવસ્થાની સૌથી મોટી ખામી છે. સુરક્ષિત વાતાવરણ પૂરું પાડવું એ રાજ્ય અને સમાજની પ્રાથમિક જવાબદારી છે, નહીં કે મહિલાઓની સ્વતંત્રતા પર કાપ મૂકવો.
Gen Z અને યુવા પેઢીને અવાજ ઉઠાવવા અપીલ
દિલ્હી સહિત દેશભરમાં નારી સુરક્ષા માટે રસ્તા પર ઉતરેલા વિદ્યાર્થીઓ અને યુવાનોના પ્રદર્શનને સમર્થન આપતા રાહુલ ગાંધીએ ખાસ કરીને ‘Gen Z’ (નવી યુવા પેઢી) અને દેશની યુવતીઓને શાંતિપૂર્ણ રીતે પોતાના અધિકારો માટે અવાજ ઉઠાવવા હાકલ કરી હતી. યુવાનો પણ હવે એ વાત સારી રીતે સમજે છે કે માત્ર ઘરના નિયમો સખત કરવાથી કે છોકરીઓની અવરજવર બંધ કરવાથી સુરક્ષા સુનિશ્ચિત થઈ શકતી નથી.
યુવા પેઢીએ જાહેર સ્થળો પર યોગ્ય લાઈટિંગ, સીસીટીવી કેમેરા, પોલીસની જવાબદેહી અને ભયમુક્ત વાતાવરણની માગણી દોહરાવી છે. રાહુલ ગાંધીના આ નિવેદને દેશમાં મહિલા આઝાદી અને સુરક્ષા અંગેની ચર્ચાને એક નવો વળાંક આપ્યો છે.
