Indian stock markets : અમેરિકન બજારોમાં 2 વર્ષમાં સૌથી મોટા ઘટાડા વચ્ચે ભારતીય શેરબજારો આજે (6 ઓગસ્ટે) ઉછાળા સાથે ખુલ્યા હતા. હાલમાં, સેન્સેક્સ 754.02 (0.96%) પોઈન્ટના વધારા સાથે 79,523.68 પર અને નિફ્ટી 228.10 (0.95%) પોઈન્ટના વધારા સાથે 24,283.70 પર ટ્રેડ કરી રહ્યો છે.
બજાર ખુલ્યાના થોડા સમય બાદ સેન્સેક્સ 1000 પોઈન્ટ (1.15%) વધીને 79670 ના સ્તરે પહોંચ્યો હતો. નિફ્ટીમાં પણ 280 પોઈન્ટ્સ (1.19%) નો વધારો છે, તે 24,340 ના સ્તર પર ટ્રેડ કરી રહ્યો છે.
નિફ્ટી ઓટો, મેટલ અને રિયલ્ટી ઈન્ડેક્સમાં 2%થી વધુનો ઉછાળો છે. બેંક, આઈટી, મીડિયા 1% થી વધુ વધ્યા છે. નિફ્ટીના 50 શેરોમાંથી 45 વધી રહ્યા છે અને 5 ઘટી રહ્યા છે. ટાટા મોટર્સ સૌથી વધુ 3% વધ્યો છે. SBI લાઈફમાં અડધા ટકાથી વધુનો ઘટાડો જોવા મળી રહ્યો છે.
જો આજના સંકેતોની વાત કરીએ તો મંગળવારે (6 ઓગસ્ટ) જાપાન અને દક્ષિણ કોરિયાના બજારોમાં તેજી જોવા મળી હતી, જે રાહતની બાબત બની શકે છે. ગિફ્ટ નિફ્ટીમાં 200 પોઈન્ટનો ઉછાળો જોવા મળ્યો હતો અને યુએસ ફ્યુચર્સ માર્કેટ પણ ગ્રીનમાં હતા.
યુએસ માર્કેટમાં લગભગ 2 વર્ષમાં સૌથી મોટો ઘટાડો.
સોમવારે, યુએસ માર્કેટ S&P 500 3% ઘટ્યો, જે સપ્ટેમ્બર 2022 પછીનો સૌથી ખરાબ દિવસ હતો. ઘટાડાને કારણે ઇન્ડેક્સ જુલાઈમાં તેની સર્વકાલીન ઉચ્ચ સપાટીથી 8.5% નીચો જાય છે પરંતુ 2024માં હજુ પણ 8.7% ઉપર છે.
ટેક કંપનીઓના શેરો બજાર ઘટતા મોખરે રહ્યા હતા. Appleના શેર 4.8% ઘટ્યા, જ્યારે Meta અને Nvidia 2.5% અને 6.4% ઘટ્યા. આર્થિક મંદીના કારણે અમેરિકન બજારોમાં આ ઘટાડો થયો છે.
સોમવારે બજારમાં વર્ષનો બીજો સૌથી મોટો ઘટાડો.
સોમવારે બજારમાં વર્ષનો બીજો સૌથી મોટો ઘટાડો.સોમવારે શેરબજારમાં 2,222 પોઈન્ટ (2.74%) નો ઘટાડો જોવા મળ્યો હતો. આ વર્ષ એટલે કે 2024નો આ બીજો મોટો ઘટાડો છે. અગાઉ, 4 જૂને, લોકસભા ચૂંટણીના પરિણામોના દિવસે, સેન્સેક્સ 4389 પોઈન્ટ (5.74%) ના ઘટાડા સાથે 72,079 પર બંધ થયો હતો.
