Economy
Economy: આંતરરાષ્ટ્રીય નાણાકીય ભંડોળ (IMF) એ તેના અપડેટેડ વર્લ્ડ ઇકોનોમિક આઉટલુક (WEO) રિપોર્ટમાં જણાવ્યું છે કે ઔદ્યોગિક પ્રવૃત્તિમાં અપેક્ષા કરતાં વધુ ઘટાડાને કારણે ભારતનો આર્થિક વિકાસ દર ધીમો પડી ગયો છે. ભારતનો વિકાસ દર 2023 માં 8.2 ટકા રહેવાનો અંદાજ છે, જે 2024 માં ઘટીને 6.5 ટકા થશે. રિપોર્ટમાં 2025 અને 2026 માટે પણ સમાન દરનો અંદાજ છે.
વૈશ્વિક અર્થતંત્ર અંગે, IMF એ જણાવ્યું હતું કે 2025 અને 2026 માં વૈશ્વિક વિકાસ દર 3.3 ટકા રહી શકે છે, જે 2000-2019 માં સરેરાશ 3.7 ટકા કરતા ઓછો છે. જોકે, આ અંદાજ ઓક્ટોબર 2024ના અહેવાલથી મોટાભાગે બદલાયો નથી.રિપોર્ટમાં કહેવામાં આવ્યું છે કે વૈશ્વિક ફુગાવો 2025 માં 4.2 ટકા અને 2026 માં 3.5 ટકા સુધી ઘટી શકે છે. વિકસિત અર્થતંત્રોમાં ફુગાવો પહેલા નિયંત્રણમાં આવવાની શક્યતા છે.
રિપોર્ટ અનુસાર, 2025 માં ચીનનો વિકાસ દર 4.5 ટકા રહેવાની ધારણા છે, જે અગાઉના અંદાજો કરતા 0.4 ટકા વધુ છે. બીજી બાજુ, મજબૂત સ્થાનિક માંગ અને અનુકૂળ નાણાકીય પરિસ્થિતિઓને કારણે યુએસમાં વૃદ્ધિ ચાલુ છે.
