સોનું પહોંચ્યું ₹1.50 લાખની નજીક: જાણો દિલ્હી, મુંબઈ સહિત મુખ્ય શહેરોમાં સોના-ચાંદીના આજના લેટેસ્ટ દર
આજે ભારતીય બુલિયન માર્કેટમાં સોનાની કિંમતોમાં મામૂલી તેજી જોવા મળી રહી છે. 24 કેરેટ સોનાના ભાવમાં ગઈકાલની સરખામણીએ પ્રતિ 10 ગ્રામ રૂ. 10 નો મામૂલી વધારો થયો છે. ગઈકાલે 24 કેરેટ સોનાનો ભાવ પ્રતિ 10 ગ્રામ રૂ. 1,49,890 હતો, જે આજે વધીને રૂ. 1,49,900 ના સ્તરે પહોંચી ગયો છે.
22 અને 18 કેરેટ સોનામાં કેટલો ભાવ વધ્યો?
24 કેરેટ સોનાની જેમ જ 22 કેરેટ અને 18 કેરેટ સોનાના ભાવમાં પણ પ્રતિ 10 ગ્રામે રૂ. 10 નો સુધારો થયો છે:
22 કેરેટ સોનું: ગઈકાલે રૂ. 1,37,400 ના સ્તરે બંધ થયેલું 22 કેરેટ સોનું આજે વધીને રૂ. 1,37,410 પ્રતિ 10 ગ્રામ થયું છે.
18 કેરેટ સોનું: ગઈકાલે રૂ. 1,12,420 ની સપાટીએ રહેલું 18 કેરેટ સોનું આજે વધીને રૂ. 1,12,430 પર પહોંચી ગયું છે.
વિવિધ શહેરોમાં સોનાના આજના ભાવ
દેશના અલગ-અલગ શહેરોમાં સ્થાનિક કર અને જકાત અનુસાર સોનાના ભાવ નીચે મુજબ છે:
મુંબઈ, કોલકાતા, હૈદરાબાદ, કેરળ અને પુણે: 24 કેરેટ સોનાનો ભાવ રૂ. 1,49,900 અને 22 કેરેટનો ભાવ રૂ. 1,37,410 પ્રતિ 10 ગ્રામ છે.
ચેન્નાઈ: 24 કેરેટ સોનું રૂ. 1,49,999 અને 22 કેરેટ સોનું રૂ. 1,37,490 પ્રતિ 10 ગ્રામે વેચાઈ રહ્યું છે.
દિલ્હી: રાજધાનીમાં 24 કેરેટ સોનાનો ભાવ રૂ. 1,50,050 અને 22 કેરેટનો ભાવ રૂ. 1,37,560 પ્રતિ 10 ગ્રામ નોંધાયો છે.
આજે સોનું કેમ મોંઘું થયું?
સોનાના ભાવ વધવા પાછળ વૈશ્વિક અનિશ્ચિતતાઓ અને ભૌગોલિક-રાજકીય તણાવ (Geopolitical Tensions) મુખ્ય કારણ છે:
મધ્ય પૂર્વમાં તણાવ: ઈરાન અને અમેરિકા વચ્ચે ચાલી રહેલા સંઘર્ષને કારણે મધ્ય પૂર્વમાં યુદ્ધનો ભય યથાવત છે.
અમેરિકી સીનેટનું સેન્ક્શન્સ બિલ: યુએસ સીનેટમાં પસાર થયેલા ‘રશિયા સેન્ક્શન્સ બિલ’ ને કારણે રશિયા પાસેથી તેલ ખરીદતા ભારત અને ચીન જેવા દેશો પર 100% ટેરિફ લાદવાની શક્યતા ઊભી થઈ છે.
ટ્રેડ વોરનો ડર: આ નિર્ણયોથી વૈશ્વિક સ્તરે ટ્રેડ વોર (વેપાર યુદ્ધ) છાંટવાની આશંકા વધી ગઈ છે. આ ડરથી રોકાણકારોએ સુરક્ષિત રોકાણ (Safe Haven) તરીકે સોના તરફ વલણ વધાર્યું છે.
ચાંદીની ચમક ફીકી પડી: રૂ. 5,100 નો મોટો ઘટાડો
સોનામાં નજીવી તેજી સામે ચાંદીના ભાવમાં આજે મોટો કડાકો બોલાઈ ગયો છે. 1 કિલો ચાંદીની કિંમત ગઈકાલે રૂ. 2,45,000 હતી, જે આજે સીધી રૂ. 5,100 ઘટીને રૂ. 2,39,900 પર આવી પહોંચી છે.
ચાંદીના નાની માત્રાના ભાવ:
100 ગ્રામ ચાંદી: રૂ. 510 ઘટીને રૂ. 23,990 થઈ ગઈ છે.
10 ગ્રામ ચાંદી: રૂ. 51 ના ઘટાડા સાથે રૂ. 2,399 ના સ્તરે છે.
1 ગ્રામ ચાંદી: પ્રતિ ગ્રામે રૂ. 5.10 નો ઘટાડો નોંધાયો છે.
