TCS
ટાટા ગ્રૂપની IT કંપની ટાટા કન્સલ્ટન્સી સર્વિસિસ (TCS) એ તાજેતરમાં તેના શેરધારકો માટે ડિવિડન્ડની જાહેરાત કરી હતી. દેશની સૌથી મોટી IT કંપની TCS એ 10 ઓક્ટોબરે બીજા ક્વાર્ટરના પરિણામો જાહેર કરવાની સાથે રોકાણકારો માટે રૂ. 1ની ફેસ વેલ્યુ સાથે પ્રત્યેક શેર પર રૂ. 10ના વચગાળાના ડિવિડન્ડની જાહેરાત કરી હતી. એક્સચેન્જ ફાઈલિંગમાં ડિવિડન્ડ વિશે માહિતી આપતી વખતે ટીસીએસે રેકોર્ડ ડેટ અને પેમેન્ટ ડેટ વિશે પણ માહિતી આપી હતી.
TCSએ રૂ. 10ના વચગાળાના ડિવિડન્ડની રેકોર્ડ તારીખ તરીકે શુક્રવાર, ઓક્ટોબર 18 નક્કી કરી હતી. તેનો અર્થ એ છે કે, 18 ઓક્ટોબરના રોજ, ફક્ત એવા શેરધારકોને જ ડિવિડન્ડ આપવામાં આવશે જેમના પોર્ટફોલિયોમાં TCSના શેર હશે. 18 ઓક્ટોબરે TCSના શેર ખરીદનારા રોકાણકારોને ડિવિડન્ડ આપવામાં આવશે નહીં. તેથી, દરેક શેર પર રૂ. 10નું ડિવિડન્ડ મેળવવા માટે TCSના શેર ખરીદવાની રોકાણકારો માટે આજે છેલ્લી તક છે.
તમને જણાવી દઈએ કે, 16 ઓક્ટોબર, બુધવારે TCSના શેરમાં ઘટાડો નોંધાયો હતો. બુધવારે TCSનો શેર BSE પર રૂ. 22.70 (0.55%) ઘટીને રૂ. 4094.80 પર બંધ થયો હતો. મંગળવારે રૂ.4117.50 પર બંધ થયેલો આઇટી કંપનીનો શેર બુધવારે રૂ.4077.50ના ઘટાડા સાથે ખૂલ્યો હતો. ટ્રેડિંગ દરમિયાન, કંપનીના શેર રૂ. 4114.60ના ઇન્ટ્રા-ડે હાઇ અને રૂ. 4068.30ના ઇન્ટ્રાડે લોએ પહોંચ્યા હતા.TCSના શેરની વર્તમાન કિંમત તેની 52 સપ્તાહની ઊંચી સપાટીથી ઘણી નીચે છે. BSEના ડેટા અનુસાર, TCSના શેરની 52 સપ્તાહની ઊંચી સપાટી 4585.90 રૂપિયા અને 52 સપ્તાહની નીચી કિંમત રૂપિયા 3313.00 છે. ટાટા ગ્રુપની સૌથી મોટી કંપનીનું વર્તમાન માર્કેટ કેપ 14,81,534.48 કરોડ રૂપિયા છે.
