ચેટ્સ રહેશે સિક્યોર: જાણો વૉટ્સએપની નકામી મોટો ડેટા ફાઇલ્સ હટાવવાની સહેલી રીત
સ્માર્ટફોન વાપરતા મોટાભાગના લોકો માટે વૉટ્સએપ (WhatsApp) દૈનિક જીવનનો મહત્વપૂર્ણ ભાગ બની ગયું છે. દરરોજ સોશિયલ મીડિયા પર સેંકડો મેસેજ, ફોટા, વિડિયો અને વૉઇસ નોટ્સ મોકલવામાં અને મેળવવામાં આવે છે. સતત ડેટાની આપ-લેના કારણે વૉટ્સએપ ધીમે ધીમે ફોનની ઇન્ટરનલ સ્ટોરેજ રોકી લે છે. પરિણામે, ફોનમાં ‘Storage Full’ નું નોટિફિકેશન આવવા લાગે છે, એપ્લિકેશન સ્લો થઈ જાય છે અને નવા ફોટા કે વિડિયો સેવ થવામાં મુશ્કેલી પડે છે.
આવી પરિસ્થિતિમાં મોટાભાગના યુઝર્સ મજબૂરીમાં જૂની ચેટ્સ જ ડિલીટ કરી દે છે. જેમાં ઘણીવાર મહત્વપૂર્ણ સંદેશાઓ અને દસ્તાવેજો (Documents) પણ ભૂલથી કાઢી નાખવામાં આવે છે. પરંતુ, તમે તમારી કોઈ પણ મહત્વપૂર્ણ ચેટને ડિલીટ કર્યા વગર પણ વૉટ્સએપની સ્ટોરેજ સહેલાઈથી ખાલી કરી શકો છો.
વૉટ્સએપ સ્ટોરેજ શા માટે ઝડપથી ભરાઈ જાય છે?
સૌથી પહેલાં એ સમજવું જરૂરી છે કે સ્ટોરેજ ભરાવાનું મુખ્ય કારણ શું છે. વૉટ્સએપ પર આવતા ફોટા, વિડિયો, ઑડિયો ફાઇલ્સ અને પીડીએફ મેળવતા જ ઓટોમેટિકલી ફોનની મેમરીમાં સેવ થઈ જાય છે. સમય જતાં આ મીડિયા ફાઇલ્સ જીગાબાઇટ્સ (GB) ડેટા રોકી લે છે.
ખાસ કરીને ફેમિલી કે મિત્રોના મોટા-મોટા ગ્રુપ્સ, જ્યાં દરરોજ ગુડ મોર્નિંગ મેસેજ, મીમ્સ અને વિડિયો સતત શેર થતા હોય છે, ત્યાં સ્ટોરેજ સૌથી ઝડપથી ભરાય છે.
ચેટ્સ ડિલીટ કર્યા વિના સ્ટોરેજ ખાલી કરવાની રીત
આ સમસ્યાના ઉકેલ માટે વૉટ્સએપની અંદર જ એક ખાસ ઇન-બિલ્ટ ટૂલ આપેલું છે:
સેટિંગ્સ ઓપન કરો: સૌથી પહેલાં વૉટ્સએપ ઓપન કરીને ઉપર જમણી બાજુએ આપેલા થ્રી-ડોટ્સ પર ક્લિક કરી Settings માં જાઓ.
Storage and Data પર ટેપ કરો: અહીં તમને Storage and Data નો વિકલ્પ મળશે, તેના પર ક્લિક કરીને Manage Storage પસંદ કરો.
મીડિયા ફાઇલ્સનું લિસ્ટ: અહીં તમને સૌથી વધુ મેમરી રોકતી મોટી ફાઇલ્સનું લિસ્ટ જોવા મળશે. આ લિસ્ટમાં ફાઇલ સાઇઝ અનુસાર મોટી ફાઇલ્સ સૌથી ઉપર દેખાશે.
આ સેક્શનમાંથી યુઝર એ પણ જોઈ શકે છે કે કઈ ફાઇલ ક્યા ગ્રુપ કે વ્યક્તિગત ચેટમાંથી આવી છે. અહીંથી તમે માત્ર નકામા મોટા વિડિયો અને ફોટા પસંદ કરીને ડિલીટ કરી શકો છો. આમ કરવાથી તમારી ટેક્સ્ટ ચેટ્સ અને મહત્વપૂર્ણ મેસેજ સુરક્ષિત રહેશે અને સ્ટોરેજ પણ ખાલી થઈ જશે.
‘Forwarded Many Times’ ટૂલનો ઉપયોગ કરો
Manage Storage વિભાગમાં વૉટ્સએપ ‘Forwarded Many Times’ નામનું એક અલગ ફિલ્ટર પૂરું પાડે છે. આ ફિલ્ટરમાં એવી ફાઇલ્સ દર્શાવવામાં આવે છે જે વારંવાર અન્ય ગ્રુપ્સમાં ફોરવર્ડ કરવામાં આવી હોય. સામાન્ય રીતે આ પ્રકારના વિડિયો કે ફોટા મહત્વપૂર્ણ હોતા નથી. આ સંગ્રહિત ફાઇલ્સને એકસાથે સિલેક્ટ કરીને ‘Clear’ કરવાથી ફોનની ગીગાબાઇટ્સ જેટલી સ્પેસ તુરંત જ ખાલી થઈ જાય છે.
