Blinkit AC Delivery
ક્વિક કોમર્સ પ્લેટફોર્મ બ્લિંકિટ સતત તેનો વ્યાપ વધારી રહ્યું છે. હવે ઉનાળાની ઋતુની શરૂઆત સાથે, પ્લેટફોર્મે દિલ્હી-એનસીઆરમાં એર કંડિશનર (એસી) ની ડિલિવરી પણ શરૂ કરી દીધી છે. કંપનીના સીઈઓ અલબિંદર ધિંડસાએ શનિવારે આ જાહેરાત કરી.
લોયડ્સ ઇન્ડિયા સાથે ભાગીદારી
સોશિયલ મીડિયા પ્લેટફોર્મ X પર એક પોસ્ટમાં, ધિંડસાએ કહ્યું, “કંપનીએ આ સેવા માટે લોયડ’સ ઇન્ડિયા સાથે ભાગીદારી કરી છે. પોસ્ટમાં લખ્યું છે કે દિલ્હી-એનસીઆરમાં ડિલિવરી શરૂ થઈ ગઈ છે. ટૂંક સમયમાં અન્ય શહેરોમાં પણ તે શરૂ થશે. ડિલિવરીના 24 કલાકની અંદર ઇન્સ્ટોલેશનનું કામ પણ શરૂ થઈ જશે.” તમને જણાવી દઈએ કે કંપનીએ આ પગલું એવા સમયે લીધું છે જ્યારે ઉદ્યોગ નિષ્ણાતોએ કહ્યું હતું કે આ વર્ષે એસીની માંગ 25-30 ટકા વધીને 14-15 મિલિયન થવાની સંભાવના છે.
ધીંડસાએ અગાઉ એક ઇન્ટરવ્યુમાં કહ્યું હતું કે, “ગ્રાહકોમાં AC માં ભારે રસ છે, પરંતુ Q-કોમર્સ કંપનીઓને ભારે અને ઊંચી કિંમતના ઉત્પાદનો પહોંચાડવામાં મોટા પડકારોનો સામનો કરવો પડી શકે છે.” ધીંડસાએ કહ્યું, “અમે જાન્યુઆરીમાં નક્કી કર્યું હતું કે અમે એસી નહીં વેચીએ. પરંતુ માર્ચ સુધીમાં, લોકો દિવસમાં 15,000 વખત એસી શોધવાનું શરૂ કરી દીધું.
ક્રોમા જેવી ઈ-કોમર્સ અને ઇલેક્ટ્રોનિક રિટેલ ચેઈન્સે પણ તેમના લોજિસ્ટિક્સમાં વધારો કર્યો છે, જેના કારણે હવે એસી ડિલિવરી એક દિવસ કરતા પણ ઓછો સમય લે છે. ફેબ્રુઆરીમાં, ક્રોમાએ 30 થી વધુ શહેરોમાં એસી અને કુલર માટે એક જ દિવસે ડિલિવરી સુવિધા શરૂ કરી. વિજય સેલ્સે આ સેવા પહેલાથી જ શરૂ કરી દીધી છે જેમાં જો સાંજે 4 વાગ્યા પહેલાં ઓર્ડર આપવામાં આવે તો એસી અને કુલર તે જ દિવસે ડિલિવરી કરવામાં આવે છે.
