WhatsApp: વોટ્સએપનો નવો અવતાર: તમારી ચેટ સ્ક્રીન હવે કાચની જેમ ચમકશે, જાણો આગામી મોટા ફેરફારો
વિશ્વનું સૌથી લોકપ્રિય મેસેજિંગ પ્લેટફોર્મ WhatsApp હવે તેના દેખાવમાં અત્યાર સુધીનો સૌથી મોટો અને ક્રાંતિકારી ફેરફાર કરવા જઈ રહ્યું છે. ખાસ કરીને iOS (iPhone) યુઝર્સ માટે કંપની એક નવો ડિઝાઈન ફેરફાર લાવી રહી છે, જે એપના વપરાશના અનુભવને સંપૂર્ણપણે બદલી નાખશે. અત્યાર સુધી એપના સેટિંગ્સ કે હોમ પેજ પર થોડો નવો લુક દેખાતો હતો, પરંતુ હવે ચેટ ઇન્ટરફેસને પણ અત્યંત મોર્ડન અને આકર્ષક બનાવવામાં આવી રહ્યો છે.
શું છે આ ‘Liquid Glass UI’?
વોટ્સએપની આ નવી ડિઝાઈન શૈલીને ‘Liquid Glass UI’ નામ આપવામાં આવ્યું છે. આ ડિઝાઈન મુખ્યત્વે પારદર્શક લેયર્સ (Transparent Layers) અને ‘ડેપ્થ ઈફેક્ટ્સ’ પર આધારિત છે.
ગ્લાસ મોર્ફિઝમ: આ સ્ટાઈલમાં એપના એલિમેન્ટ્સ કાચની જેમ પારદર્શક દેખાશે, જેના કારણે ઇન્ટરફેસ વધુ હળવો અને સાફ-સુથરો લાગશે.
સ્મૂધ એનિમેશન: રિફ્લેક્શન અને એનિમેશન એટલા સ્મૂધ હશે કે એપનો અનુભવ વધુ જીવંત (Live) લાગશે.
બેકગ્રાઉન્ડ બ્લર: તમે જ્યારે ચેટ કરશો ત્યારે સ્ક્રીન પરના એલિમેન્ટ્સ તમારા વોલપેપર સાથે એવી રીતે ભળી જશે કે તે સ્ક્રીન પર તરતા હોય તેવો અહેસાસ કરાવશે.
ચેટ સ્ક્રીનમાં જોવા મળશે સૌથી મોટા ફેરફારો
આ અપડેટની સૌથી મોટી અસર તમારી રોજિંદી ચેટ સ્ક્રીન પર પડશે. યુઝર્સની સુવિધા અને દેખાવને ધ્યાનમાં રાખીને નીચે મુજબના ફેરફારો જોવા મળી શકે છે:
ફ્લોટિંગ ચેટ બાર: ચેટ બાર (જ્યાં તમે મેસેજ ટાઈપ કરો છો) હવે પહેલાની જેમ જડબાતોડ નહીં હોય, પરંતુ તે એક ‘ફ્લોટિંગ ગ્લાસ સ્ટ્રીપ’ જેવો દેખાશે. તેમાં તમારા ચેટ વોલપેપરની હળવી ઝલક દેખાશે.
પારદર્શક નેવિગેશન બાર: ઉપરનો નેવિગેશન બાર પણ પારદર્શક હશે, જેનાથી નીચેના મેસેજ પણ હળવા ફેડ ઈફેક્ટ સાથે જોઈ શકાશે. આનાથી વાંચવાની સરળતા (Readability) જળવાઈ રહેશે અને એપ વધુ પ્રીમિયમ લાગશે.
સ્માર્ટ ફીચર્સ: ‘Jump to latest message’ જેવા નાના પરંતુ મહત્વના ફીચર્સને વધુ સ્મૂધ અને યુઝર-ફ્રેન્ડલી બનાવવામાં આવ્યા છે.
ક્યારે જોવા મળશે આ ફેરફાર?
હાલમાં આ ડિઝાઈન ‘ટેસ્ટિંગ સ્ટેજ’ (Beta Phase) માં છે. વોટ્સએપ તેની પર્ફોમન્સ અને સચોટતા પર કામ કરી રહ્યું છે જેથી લોન્ચ વખતે કોઈ ભૂલ ન રહે. જે યુઝર્સ વોટ્સએપ બીટા વર્ઝન વાપરે છે તેમને આ ફીચર સૌથી પહેલા જોવા મળી શકે છે. સામાન્ય યુઝર્સ માટે આ અપડેટ આગામી થોડા અઠવાડિયા કે મહિનાઓમાં રોલઆઉટ કરવામાં આવે તેવી શક્યતા છે.
વોઈસ નોટ્સ અને અન્ય ફીચર્સમાં પણ બદલાવ
માત્ર ચેટ જ નહીં, પણ એપના અન્ય ફીચર્સમાં પણ આધુનિકતા લાવવામાં આવી રહી છે. વોઈસ નોટ પ્લેયરના ડિઝાઈનમાં ફેરફાર કરવામાં આવી રહ્યો છે જેથી તે આખી એપના નવા લુક સાથે સુસંગત લાગે. પ્લેટફોર્મનો હેતુ યુઝરને એક સમાન અને અપડેટેડ અનુભવ આપવાનો છે.
