હાલમાં જ જાણીતી સેલેબ્રિટી ઉર્ફી જાવેદે તેની આંખોની નીચે ફિલર્સનો ઉપયોગ કરવાનો તેનો ડરામણો અનુભવ શેર કર્યો. તેણે કહ્યું હતું કે તાજેતરમાં જ તેણે તેની આંખોની નીચે ડાર્ક સર્કલ માટે આઇ ફિલર્સ કરાવ્યું હતું, પરંતુ બધું બરાબર થવાને બદલે બધું ખોટું થઈ ગયું. તેની આંખો લાલ થઈ ગઈ હતી. હવે ઉર્ફીએ કહ્યું કે તેણે લિપ ફિલર્સ પણ કરાવ્યું હતું અને આ અનુભવ પણ ઘણો ભયાનક હતો. ઈન્ટરનેટ સેન્સેશન ઉર્ફી જાવેદ આ દિવસોમાં પોતાના અનુભવોને લઈને ચર્ચામાં છે. ઉર્ફીએ ઈન્સ્ટાગ્રામ પર કેટલીક તસવીરો શેર કરી છે, જેમાં તે મેકઅપ વગર જાેવા મળી રહી છે. ઉર્ફીના હોઠ સૂજી ગયા છે અને આ પોસ્ટમાં તેણે તેની આ જ વાત સંભળાવી છે. ઉર્ફીએ આ પોસ્ટમાં કહ્યું છે કે જ્યારે પણ તમે આવું કંઈક પ્લાન કરો તો હંમેશાં સારા ડોક્ટરોની મદદ લો. ઉર્ફી જાવેદે તેની ઘણી તસવીરો શેર કરી છે, જેમાં તેના સૂજી ગયેલા હોઠ અને ચહેરો પણ વિચિત્ર દેખાઈ રહ્યો છે. તેને શેર કરતાં ઉર્ફીએ લખ્યું, ‘હું મારી લિપ ફિલર્સ જર્ની તમારા બધા સાથે શેર કરી રહી છું.
હું ૧૮ વર્ષની હતી ત્યારથી લિપ ફિલર્સ કરાવું છું. ત્યારે મારી પાસે એટલા પૈસા નહોતા, પણ મને હંમેશા લાગતું હતું કે મારા હોઠ ઘણા પાતળા છે અને મને મોટા અને ભરેલા હોઠ પસંદ હતા. હું તમને બધાને કહેવા માગતી નથી કે આ ના કરો, પરંતુ મારો કહેવાનો અર્થ એ છે કે ફિલર્સ અથવા સર્જરી સમયે ખૂબ જ સાવચેત રહો. મારી પાસે હજુ પણ લિપ ફિલર્સ છે અને હું જાણું છું કે મારા ચહેરાને શું અનુકૂળ આવે છે. હું એ પણ જાણું છું કે હવે ઓછા ખર્ચાનો મતલબ પણ વધારે છે. હું તમને બધાને કહેવા માગું છું કે કોઈપણ ડૉક્ટર પાસે જતા પહેલા સારી રીતે જાણકારી એકઠી કરો. ‘હું ઈચ્છું છું કે દરેક વ્યક્તિ ફિલર્સ કરાવે, જાે તમને તમારા ચહેરા કે શરીર વિશે કોઈ ઈનસિક્યોરિટી હોય, તો તમારી જાતને અથવા તમારા ચહેરાને નફરત કરવાને બદલે, સર્જરી અથવા ફિલર્સ માટે જાઓ, જાે ડૉક્ટરો સારા હોય તો.
