Unemployment:
NSSO ડેટા: NSSO અનુસાર, આ સમયગાળા દરમિયાન મહિલાઓમાં બેરોજગારીનો દર પણ 9.6 ટકાથી ઘટીને 8.6 ટકા થયો છે.
બેરોજગારી દરઃ મોદી સરકાર માટે રાહતના સમાચાર છે. દેશના શહેરી વિસ્તારોમાં બેરોજગારીનો દર ઘટ્યો છે. ઓક્ટોબર-ડિસેમ્બર 2022 અને ઓક્ટોબર-ડિસેમ્બર 2023 વચ્ચે 15 વર્ષથી વધુ ઉંમરના લોકોમાં બેરોજગારીનો દર 7.2 ટકાથી ઘટીને 6.5 ટકા થયો છે. આ સમયગાળા દરમિયાન શહેરી વિસ્તારોમાં શ્રમ દળની ભાગીદારી પણ વધી છે.
- NSSO (નેશનલ સેમ્પલ સર્વે ઑફિસ) એ ઑક્ટોબરથી ડિસેમ્બર 2023ના ત્રિમાસિક ગાળા માટે સામયિક લેબર ફોર્સ સર્વે બુલેટિન બહાર પાડ્યું છે. આ ડેટા અનુસાર, ઓક્ટોબર-ડિસેમ્બર 2022 ક્વાર્ટરની સરખામણીમાં ઓક્ટોબર-ડિસેમ્બર 2023 દરમિયાન શહેરી વિસ્તારોમાં 15 વર્ષથી વધુ ઉંમરના લોકોમાં બેરોજગારીનો દર 7.2 ટકાથી ઘટીને 6.5 ટકા પર આવી ગયો છે. પુરુષોમાં બેરોજગારીનો દર 6.5 ટકાથી ઘટીને 5.8 ટકા થયો છે, જ્યારે સ્ત્રીઓમાં તે 9.6 ટકાથી ઘટીને 8.6 ટકા થયો છે.
- માહિતી અનુસાર, શહેરી વિસ્તારોમાં રહેતા લોકોમાં લોબર ફોર્સ પાર્ટિસિપેશન રેટ (LFPR) વધી રહ્યો છે અને 15 વર્ષથી વધુ ઉંમરના લોકો માટે તે 48.2 ટકાથી વધીને 49.9 ટકા થયો છે. આ સમયગાળા દરમિયાન મહિલા શ્રમ દળની ભાગીદારીમાં પણ વધારો થયો છે. મહિલાઓમાં તે 22.3 ટકાથી વધીને 25 ટકા થયો છે.
- આ સમયગાળા દરમિયાન 15 વર્ષથી વધુ ઉંમરના લોકોમાં વર્કર પોપ્યુલેશન રેશિયો (WPR)માં વધારો જોવા મળી રહ્યો છે. તે ઓક્ટોબર-ડિસેમ્બર 2022માં 44.7 ટકાથી વધીને ઓક્ટોબર-ડિસેમ્બર 2023માં 46.6 ટકા થયો છે. પુરુષોમાં તે 68.6 ટકાથી વધીને 69.8 ટકા થયો છે, જ્યારે સ્ત્રીઓમાં તે 20.2 ટકાથી વધીને 22.9 ટકા થયો છે.
- આ સર્વેક્ષણમાં, NSO મુખ્યત્વે શહેરી વિસ્તારોને લક્ષ્ય બનાવે છે જેમાં કાર્યકારી વસ્તી ગુણોત્તર, શ્રમ દળની ભાગીદારી દર, બેરોજગારી દર જોવા મળે છે. ઓક્ટોબર-ડિસેમ્બર 2023 દરમિયાન 5697 UFS બ્લોકમાં 44544 ઘરોમાં 169209 લોકો વચ્ચે સર્વે કરવામાં આવ્યો છે.
