entertainment industry : હુરુન ઈન્ડિયાની 2024ના ધનિક લોકોની યાદી બહાર આવી છે. મનોરંજન ઉદ્યોગની પાંચ હસ્તીઓ પણ આ યાદીમાં સ્થાન પામી છે. આ ચારેય હસ્તીઓ બોલિવૂડની છે. આ લિસ્ટમાં શાહરૂખ ખાન ટોપ પર છે. બીજા નંબર પર જુહી ચાવલા છે. રિતિક રોશન ત્રીજા સ્થાને, અમિતાભ બચ્ચન ચોથા સ્થાને અને કરણ જોહર પાંચમા સ્થાને છે. આ યાદીમાં મનોરંજન ઉદ્યોગની એકમાત્ર મહિલા જૂહી ચાવલા છે. રસપ્રદ વાત એ છે કે, આ દિવસોમાં તે ફિલ્મોમાં બહુ સક્રિય નથી, પરંતુ શાહરૂખ ખાન સાથે IPL ટીમ કોલકાતા નાઈટ રાઈડર્સનો માલિક બનવું તેના માટે નફાકારક સોદો રહ્યો છે. આ યાદીમાંJuhi Chawlaઅને તેના પરિવારની કુલ સંપત્તિ 4,600 કરોડ રૂપિયા હોવાનું જણાવવામાં આવ્યું છે.
આ લિસ્ટમાં ટોપ પર રહીને શાહરૂખ ખાન એન્ટરટેઈનમેન્ટ ઈન્ડસ્ટ્રીનો સૌથી ધનિક સ્ટાર બની ગયો છે. હુરુનના અહેવાલે પણ આ હકીકતની પુષ્ટિ કરી છે. હુરુન ઈન્ડિયા રિચ લિસ્ટ 2024માં શાહરૂખ ખાન અને તેના પરિવારની કુલ સંપત્તિ 7,300 કરોડ રૂપિયા જણાવવામાં આવી છે. કિંગ ખાનની કમાણીનો મોટો હિસ્સો તેની કંપની રેડ ચિલીઝ એન્ટરટેઈનમેન્ટ અને કોલકાતા નાઈટ રાઈડર્સમાંથી આવે છે. ત્યાર બાદ 58 વર્ષીય શાહરૂખ ખાને પણ ત્રણ બેક ટુ બેક હિટ ફિલ્મો આપી છે, પઠાણ, જવાન અને ડાંકી. જેણે બોક્સ ઓફિસ પર અંદાજે બે હજાર છસો કરોડ રૂપિયાની કમાણી કરી હતી.
હુરુનની યાદીમાં ત્રીજું નામ રિતિક રોશનનું છે. રિતિક રોશનની કુલ સંપત્તિ બે હજાર કરોડ રૂપિયા છે. જેનું કારણ છે રિતિક રોશનની ફેમસ ફિટનેસ બ્રાન્ડ HRX. હૃતિક રોશનની ફિલ્મોની વાત કરીએ તો, 2024માં ફાઈટર રિલીઝ થઈ હતી જેણે બોક્સ ઓફિસ પર 337 કરોડ રૂપિયાનું કલેક્શન કર્યું હતું. તેની આગામી ફિલ્મ વોર 2 છે.
હુરુનની યાદીમાં ચોથું નામ અમિતાભ બચ્ચન અને તેમના પરિવારનું છે. તેમની કુલ સંપત્તિ 1,600 કરોડ રૂપિયા હોવાનું કહેવાય છે. આનું કારણ તેમણે વિવિધ સ્થળોએ કરેલું રોકાણ છે. એટલું જ નહીં, અમિતાભ બચ્ચનની છેલ્લી રિલીઝ કલ્કી 2898 એડી હતી, જેમાં તેમનું પાત્ર અશ્વત્થામાને ખૂબ પસંદ કરવામાં આવ્યું હતું. આ ફિલ્મે બોક્સ ઓફિસ પર અંદાજે 1100 કરોડ રૂપિયાની કમાણી કરી હતી.
આ યાદીમાં મનોરંજન ઉદ્યોગનું પાંચમું અને છેલ્લું નામ કરણ જોહરનું છે. કરણ જોહરની કુલ સંપત્તિ 1,400 કરોડ રૂપિયા છે અને તેની આવકનો મુખ્ય સ્ત્રોત ધર્મા પ્રોડક્શન્સ હોવાનું કહેવાય છે.
