On the occasion of Moharram : ભારતીય શેરબજાર આજે 17મી જુલાઈ બુધવારના રોજ મોહરમના કારણે બંધ રહેશે. તેથી, ભારતીય ઇક્વિટી માર્કેટમાં આજે કોઈ ટ્રેડિંગ થશે નહીં કારણ કે બંને મુખ્ય સ્ટોક એક્સચેન્જ, બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) બંધ રહેશે. BSE અનુસાર, ઇક્વિટી સેગમેન્ટ, ઇક્વિટી ડેરિવેટિવ્ઝ સેગમેન્ટ, SLB સેગમેન્ટ, કરન્સી ડેરિવેટિવ્ઝ સેગમેન્ટ અને ઇન્ટરેસ્ટ રેટ ડેરિવેટિવ્ઝ સેગમેન્ટ બુધવારે ટ્રેડિંગ માટે બંધ રહેશે.
સ્ટોક એક્સચેન્જો ટ્રેડિંગ માટે બંધ હોવા છતાં, નાણાકીય વર્ષ 2024-25 (Q1FY25) ના એપ્રિલ-જૂન ક્વાર્ટરના પરિણામો નિર્ધારિત મુજબ ચાલુ રહેશે.
જાણો કયા દિવસે બજાર હવે બંધ રહેશે.
નીચે આપેલ શેરબજારની રજાઓની યાદીમાં શનિવાર અને રવિવારની રજાઓનો પણ સમાવેશ થાય છે.
17 જુલાઈ 2024: મોહરમ (બુધવાર)
15 ઓગસ્ટ 2024: સ્વતંત્રતા દિવસ/પારસી નવું વર્ષ (ગુરુવાર)
2 ઓક્ટોબર 2024: મહાત્મા ગાંધી જયંતિ (બુધવાર)
1 નવેમ્બર 2024: દિવાળી લક્ષ્મી પૂજા (શુક્રવાર)
15 નવેમ્બર 2024: ગુરુ નાનક જયંતિ (શુક્રવાર)
25 ડિસેમ્બર 2024: ક્રિસમસ (બુધવાર)
ગઈકાલે બજારનું વર્તન કેવું હતું?
શેરબજારોમાં મંગળવારે સતત ત્રીજા દિવસે તેજી રહી હતી અને BSE સેન્સેક્સ 52 પોઈન્ટ વધીને સર્વકાલીન ઉચ્ચ સ્તરે બંધ રહ્યો હતો. NSE નિફ્ટી પણ 24,600ની નવી ટોચે પહોંચ્યો હતો.
30 શેરો પર આધારિત સેન્સેક્સ 51.69 પોઈન્ટ અથવા 0.06 ટકા વધીને 80,716.55 પોઈન્ટના અત્યાર સુધીના સર્વોચ્ચ સ્તરે બંધ થયો હતો. ટ્રેડિંગ દરમિયાન, તે 233.44 પોઈન્ટ્સ અથવા 0.28 ટકાના વધારા સાથે રેકોર્ડ 80,898.30 પોઈન્ટ પર પહોંચ્યો હતો.
નેશનલ સ્ટોક એક્સચેન્જનો નિફ્ટી પણ 26.30 પોઈન્ટ અથવા 0.11 ટકાના વધારા સાથે 24,613 પોઈન્ટની નવી ટોચે બંધ રહ્યો હતો. ટ્રેડિંગ દરમિયાન તે 74.55 પોઈન્ટ અથવા 0.30 ટકા વધીને રેકોર્ડ 24,661.25 પર પહોંચ્યો હતો.
