Starlink: મર્યાદિત યૂઝર્સને જ મળશે એક્સેસ, સ્પીડ પર પણ રોક
Starlink : સરકારએ એલન મસ્કની સેટેલાઇટ ઈન્ટરનેટ કંપની Starlinkની સેવાઓ અંગે ભારતમાં મોટો નિર્ણય લીધો છે.
Starlink: સરકારએ એલન મસ્કની સેટેલાઇટ ઇન્ટરનેટ કંપની Starlinkની સેવાઓ અંગે ભારતમાં મોટો નિર્ણય લીધો છે. કેન્દ્રીય ટેલિકોમ રાજ્યમંત્રી પેમ્માસાની ચંદ્રશેખરે જણાવ્યું કે ભારતમાં માત્ર 20 લાખ યુઝર્સને જ સેવા આપવાની મંજૂરી આપવામાં આવી છે અને તેની મહત્તમ સ્પીડ 200Mbps સુધી સીમિત રહેશે. આ નિર્ણય BSNL અને અન્ય ટેલિકોમ કંપનીઓ પર અસર થવાની આશંકાને નકારીને લેવામાં આવ્યો છે.
ગ્રામ્ય વિસ્તારો પર ધ્યાન
સરકારના જણાવ્યા અનુસાર, Starlinkની સેવાઓ ખાસ કરીને દૂરસ્થ અને ગ્રામ્ય વિસ્તારોને લક્ષ્ય બનાવીને આપવામાં આવશે, જ્યાં હાલમાં BSNLની મજબૂત પકડ છે. જોકે, આ સેવાઓની શરૂઆતમાં ખર્ચો થોડો વધારે હોઈ શકે છે અને ગ્રાહકોને દર મહિને આશરે ₹3,000 જેટલો ખર્ચ કરવો પડી શકે છે.
BSNL 4Gનું વિસ્તરણ પૂર્ણ
કેન્દ્રીય મંત્રીએ જણાવ્યું કે BSNLની 4G સેવાઓનો રોલઆઉટ પૂરોથઈ ચુક્યો છે અને હાલમાં ટેરિફમાં કોઈ વધારો કરવાની યોજના નથી. તેમણે કહ્યું, “અમે પહેલા માર્કેટ પકડી લેવા માંગીએ છીએ, એટલે હાલ કોઈ દરમાં વધારો નહીં કરવામાં આવે.”
TRAIનો નવો પ્રસ્તાવ
TRAIએ સેટેલાઇટ ઇન્ટરનેટ સેવાઓ માટે એક નવું માળખું સૂચવ્યું છે જેના હેઠળ સ્ટારલિંક જેવી કંપનીઓએ તેમની આવકના 4 ટકા સરકારને ફી તરીકે ચૂકવવા પડશે. આ ચાર્જ શહેરી વિસ્તારોમાં પ્રતિ ગ્રાહક પર વાર્ષિક રૂ. ૫૦૦ સુધીનો વધારાનો બોજ લાદી શકે છે. જોકે, ગ્રામીણ વિસ્તારો માટે કોઈ વધારાના શુલ્કનો પ્રસ્તાવ નથી.
આ પગલા દ્વારા, સરકાર ટેકનોલોજીકલ વિકાસ અને ગ્રામીણ કનેક્ટિવિટીને પ્રોત્સાહન આપવા માંગે છે, પરંતુ તે જ સમયે ખાતરી કરવા માંગે છે કે સ્થાનિક ટેલિકોમ કંપનીઓને કોઈપણ પ્રકારની અસંતુલિત સ્પર્ધાનો સામનો ન કરવો પડે.
