SpiceJet
SpiceJet Share Price: સ્પાઈસજેટના શેરમાં 5.41 ટકાનો ઉછાળો આવ્યો છે અને શેર રૂ. 56.70 પર પહોંચી ગયો છે. હાલમાં શેર રૂ. 56 પર ટ્રેડ થઈ રહ્યો છે.
SpiceJet Share Price: બજારના હતાશાના મૂડ છતાં, સ્થાનિક એરલાઈન્સ કંપની સ્પાઈસજેટના શેરમાં ગુરુવાર, નવેમ્બર 14 ના ટ્રેડિંગ સેશનમાં અદભૂત વધારો જોવા મળી રહ્યો છે. કારણ કે કંપનીએ એક્સપોર્ટ ડેવલપમેન્ટ કેનેડા સાથે રૂ. 763 કરોડના વિવાદનો ઉકેલ લાવી દીધો છે અને આ સમાધાનને કારણે એરલાઇન્સે રૂ. 574 કરોડની બચત કરી છે. આ સમાચારને કારણે સ્પીજેટના શેરમાં 5.41 ટકાનો ઉછાળો આવ્યો છે અને શેર રૂ. 56.70 પર પહોંચી ગયો છે.
સ્ટોક એક્સચેન્જમાં દાખલ કરાયેલી રેગ્યુલેટરી ફાઈલિંગમાં સ્પાઈસજેટે જણાવ્યું હતું કે એરલાઈને એક્સપોર્ટ ડેવલપમેન્ટ કેનેડા સાથે $763 કરોડ અથવા $90.9 મિલિયનના વિવાદને $22.5 મિલિયનમાં પતાવ્યો છે. એરલાઈન્સે કહ્યું કે આ રિઝોલ્યુશન સ્પાઈસ જેટ માટે મોટી ઉપલબ્ધિ છે. તેના સેટલમેન્ટને કારણે એરલાઈન્સે રૂ. 574 કરોડ અથવા $68.3 મિલિયનની બચત કરી છે. સ્પાઈસજેટે કહ્યું કે એરલાઈને $22.5 મિલિયનની સંપૂર્ણ ચુકવણી કરી છે.
કરારની શરતો અનુસાર, સ્પાઇસજેટને એક્સપોર્ટ ડેવલપમેન્ટ કેનેડા દ્વારા ફાઇનાન્સ કરાયેલા 13 Q400 એરક્રાફ્ટના માલિકી હકો મળ્યા છે. આ 13 એરક્રાફ્ટની માલિકીનું ટ્રાન્સફર થવાથી સ્પાઈસ જેટના ઓપરેશનલ ખર્ચમાં મોટો ઘટાડો થશે. તેનાથી એરલાઇન્સને લાંબા ગાળે નાણાકીય ફાયદો થશે અને નાણાકીય સ્થિરતા પણ આવશે. 13 Q400 એરક્રાફ્ટને કારણે સ્પાઇસજેટ પ્રાદેશિક અને ઉડાન રૂટ પર વધારાની ફ્લાઇટ્સ શરૂ કરી શકાશે. આ સેટલમેન્ટ પર સ્પાઈસ જેટના ચેરમેન અને એમડી અજય સિંહે જણાવ્યું હતું કે, સમગ્ર રકમ ચૂકવીને EDC સાથેના આ કરારને બંધ કરીને અમે ખુશ છીએ.
એરલાઈન અનુસાર, 27 ઓક્ટોબર, 2024થી, સ્પાઈસજેટે Q400 એરક્રાફ્ટ દ્વારા દિલ્હી-અમૃતસર-દિલ્હી, ગુવાહાટી-પટના-ગુવાહાટી, કોલકાતા-પટના-કોલકાતા, દિલ્હી-પટના-દિલ્હી અને દિલ્હી-દરભંગા-દિલ્હીની ફ્લાઈટ્સ શરૂ કરી છે. . આ સિવાય એરલાઈન્સે શિવમોગા-હૈદરાબાદ, ચેન્નાઈ-કોચી સેક્ટર માટે પણ ફ્લાઈટ્સ શરૂ કરી છે. આ સિવાય તબક્કાવાર 18 ફ્લાઈટ્સ શરૂ કરવાનો લક્ષ્યાંક છે.
