Sim Card Rule: પ્રીપેડથી પોસ્ટપેઇડમાં સ્વિચ કરવાનો નિયમ બદલાયો
Sim Card Rule: ભારતના ટેલિકોમ્યુનિકેશન વિભાગે સિમ કાર્ડના નિયમોમાં મોટો ફેરફાર કર્યો છે, જેના કારણે પ્રીપેડથી પોસ્ટપેઇડ અને પોસ્ટપેઇડથી પ્રીપેડ કનેક્શનમાં સ્વિચ કરવાનું સરળ બન્યું છે. નવા નિયમો અનુસાર, કુલિંગ પિરિયડ 90 દિવસથી ઘટાડીને 30 દિવસ કરવામાં આવ્યો છે.
Sim Card Rule: ટેલિકોમ્યુનિકેશન વિભાગે સિમ કાર્ડના નિયમોમાં મોટો ફેરફાર કર્યો છે, જેનાથી કરોડો મોબાઇલ વપરાશકર્તાઓને રાહત મળી છે, નવા નિયમો હેઠળ, પ્રીપેડથી પોસ્ટપેઇડ કનેક્શનમાં સ્વિચ કરવાની પ્રક્રિયા હવે પહેલા કરતા વધુ સરળ બની ગઈ છે. ટેલિકોમ્યુનિકેશન વિભાગે પ્રીપેડથી પોસ્ટપેઇડમાં સ્વિચ કરવા માટે કુલિંગ પિરિયડ ઘટાડી દીધો છે, પહેલા વપરાશકર્તાઓ 90 દિવસ પહેલા સ્વિચ કરી શકતા ન હતા પરંતુ હવે આ મર્યાદા ઘટાડીને 30 દિવસ કરવામાં આવી છે.
આનો અર્થ એ છે કે હવે ૩૦ દિવસ પછી તમે સરળતાથી પ્રીપેઇડથી પોસ્ટપેઇડ કનેક્શનમાં બદલી શકો છો, અને એક વખત બદલી કર્યા બાદ ૯૦ દિવસની મર્યાદા લાગુ થશે. એટલે કે કોઈપણ વ્યક્તિ એકવાર સ્વિચ કર્યા પછી વારંવાર સ્વિચ કરી શકશે નહીં.
દૂરસંચાર વિભાગે ઓટીપી પ્રક્રિયા દ્વારા ન માત્ર પ્રીપેઇડથી પોસ્ટપેઇડ, પરંતુ પોસ્ટપેઇડથી પ્રીપેઇડ બંને સ્થિતિમાં સ્વિચ કરવાની પ્રક્રિયાને સરળ બનાવી છે. સરકારના આ પગલાથી તે લોકો માટે રાહત મળી છે જે કોઈ પણ કારણસર પોતાના નંબરને વારંવાર પ્રીપેઇડ અને પોસ્ટપેઇડ વચ્ચે સ્વિચ કરતા રહે છે.
લોકો સ્વિચ શા માટે કરે છે?
પ્રીપેડથી પોસ્ટપેડ અને પોસ્ટપેડથી પ્રીપેડમાં સ્વિચ કરવા પાછળ અનેક કારણો હોઈ શકે છે, જેમ કે પ્લાન મોંઘો લાગવો કે સર્વિસથી સંતોષ ન હોવો. સરળ ભાષામાં કહીએ તો નવો નિયમ કહે છે કે જો તમે આજે, એટલે કે 13 જૂન, પ્રીપેડ નંબર લો અને થોડા દિવસ ઉપયોગ કર્યા પછી કોઈ પણ કારણસર પોસ્ટપેડમાં સ્વિચ થવું હોય તો હવે તમે 30 દિવસ પછી સરળતાથી સ્વિચ થઇ શકો છો. પહેલા જેવું 90 દિવસનું લાંબું રાહ જોવુ નથી પડે.
જો કોઈ કારણસર લોક ઇન પીરિયડ દરમિયાન ફરીથી સ્વિચ કરવું પડે તો તે પણ કરી શકો છો, પરંતુ તે માટે તમને કંપનીના અધિકૃત આઉટલેટ પર જઈને હાલની KYC પ્રક્રિયા પૂર્ણ કરવી પડશે.
