રાહુલ ગાંધીનો PM મોદીને ખુલ્લો પડકાર! કહ્યું- વિદેશી મદદથી વડાપ્રધાન બન્યા, ચર્ચા કરવાની હિંમત છે?
લોકસભામાં વિપક્ષના નેતા અને કોંગ્રેસના વરિષ્ઠ નેતા રાહુલ ગાંધીએ વડાપ્રધાન નરેન્દ્ર મોદી પર ગંભીર આક્ષેપો કરીને રાજકીય વર્તુળોમાં નવી ચર્ચા શરૂ કરી છે. રાહુલ ગાંધીએ આરોપ લગાવ્યો છે કે મોદી વિદેશી મદદના સહારે વડાપ્રધાન બન્યા હતા અને આજે પણ વિદેશી તાકાતોના સમર્થનથી સત્તામાં ટકી રહ્યા છે. તેમણે આ મુદ્દે વડાપ્રધાનને ખુલ્લી ચર્ચા કરવાની સીધી ચેલેન્જ પણ આપી છે.
‘વિદેશી સોશિયલ મીડિયા પણ તમારી સાથે છે’
રાહુલ ગાંધીએ સોશિયલ મીડિયા પ્લેટફોર્મ X પર પોસ્ટ કરીને વડાપ્રધાન મોદી સામે પોતાની નારાજગી વ્યક્ત કરી હતી. તેમણે લખ્યું કે મોદીજીએ દેશની જનતા સાથે ખોટું બોલવાનું બંધ કરવું જોઈએ. રાહુલના જણાવ્યા અનુસાર, દેશની આર્થિક વ્યવસ્થા પર વિદેશી તાકાતોનું નિયંત્રણ અને સમર્થન છે. તેમણે એવો પણ આરોપ લગાવ્યો કે વિદેશી સોશિયલ મીડિયા પ્લેટફોર્મ સંપૂર્ણપણે વડાપ્રધાનની તરફેણમાં ઊભાં છે. જોકે, આ તમામ બાબતો રાહુલ ગાંધીના રાજકીય આક્ષેપો છે.
Mr Modi, stop lying to this nation.
You became PM because of foreign help. You remain PM because of foreign help.
Your financial system is fully controlled and supported by foreigners. Foreign social media fully backs you.
I challenge you to an open debate about this. Any stage, any time. Come if you have the guts.
You won’t dare, because you are terrified of what I know about you.
मोदी जी, इस देश से झूठ बोलना बंद कीजिए।
आप विदेशी मदद से प्रधानमंत्री बने। और विदेशी मदद से ही प्रधानमंत्री बने हुए हैं।
आपकी आर्थिक व्यवस्था पूरी तरह विदेशियों के नियंत्रण में और समर्थन से है। विदेशी सोशल मीडिया पूरी तरह आपके साथ खड़ा है।
मैं आपको इस मुद्दे पर खुली बहस की चुनौती देता हूं। कोई भी मंच, किसी भी समय। हिम्मत है तो आइए।
आप नहीं आएंगे, क्योंकि जो मैं आपके बारे में जानता हूं आप उससे डरते हैं।
— Rahul Gandhi (@RahulGandhi) November 2, 2026
રાહુલ ગાંધીની ખુલ્લી ચર્ચાની ચેલેન્જ
પોતાની પોસ્ટમાં રાહુલ ગાંધીએ વડાપ્રધાન મોદીને સીધી ચર્ચા માટે આમંત્રણ આપ્યું હતું. તેમણે કહ્યું કે આ મુદ્દે તેઓ કોઈપણ મંચ પર અને કોઈપણ સમયે ચર્ચા કરવા તૈયાર છે. રાહુલે પડકાર ફેંકતા લખ્યું કે જો હિંમત હોય તો વડાપ્રધાન સામે આવીને ચર્ચા કરે. તેમણે વધુમાં દાવો કર્યો કે મોદી આ ચર્ચામાં ભાગ નહીં લે, કારણ કે તેમને રાહુલ ગાંધી દ્વારા ઉઠાવવામાં આવનારા મુદ્દાઓનો ડર છે.
PM મોદીએ કોંગ્રેસ અને વિપક્ષ પર કર્યા હતા પ્રહાર
રાહુલ ગાંધીનું આ નિવેદન વડાપ્રધાન મોદીના 31 ઓક્ટોબરના ભાષણ બાદ સામે આવ્યું છે. ગુજરાતના નર્મદા જિલ્લાના એકતા નગરમાં સરદાર વલ્લભભાઈ પટેલની જન્મજયંતિ નિમિત્તે આયોજિત રાષ્ટ્રીય એકતા દિવસના કાર્યક્રમમાં વડાપ્રધાને કોંગ્રેસ અને વિપક્ષી પક્ષો પર નિશાન સાધ્યું હતું. તેમણે આરોપ લગાવ્યો હતો કે દેશને એકજૂટ રાખવાના પ્રયાસોમાં કેટલીક શક્તિઓ અડચણો ઊભી કરી રહી છે અને સમાજમાં વિભાજન ફેલાવવાનો પ્રયાસ થઈ રહ્યો છે.
સોશિયલ મીડિયાને હથિયાર બનાવી અફવાઓ ફેલાવવાનો આરોપ
વડાપ્રધાન મોદીએ પોતાના સંબોધનમાં સોશિયલ મીડિયાના ઉપયોગ અંગે પણ ચિંતા વ્યક્ત કરી હતી. તેમણે કહ્યું હતું કે કેટલીક વિઘટનકારી શક્તિઓ સોશિયલ મીડિયાનો ઉપયોગ હથિયાર તરીકે કરી રહી છે. અફવાઓ ફેલાવીને દેશની છબી ખરાબ કરવાનો પ્રયાસ કરવામાં આવી રહ્યો છે. મોદીએ લોકોને આવી પ્રવૃત્તિઓ સામે સાવચેત રહેવાની અપીલ કરી હતી. તેમણે વધુમાં કહ્યું હતું કે દેશની એકતા અને અખંડિતતાને નુકસાન પહોંચાડતા પ્રયાસોને ઓળખવા અને તેનો સામનો કરવો જરૂરી છે.
‘માઇન્ડ નક્સલ’ સામે ચેતવણી અને સેક્યુલર સિવિલ કોડનો મુદ્દો
વડાપ્રધાન મોદીએ પોતાના ભાષણમાં ‘માઇન્ડ નક્સલ’ એટલે કે વિચારધારાના સ્તરે દેશને નબળો પાડવાનો પ્રયાસ કરતી શક્તિઓ સામે પણ સાવચેત રહેવાની વાત કરી હતી. તેમણે રાષ્ટ્રીય એકતા જાળવવા માટે નાગરિકોને વધુ જાગૃત બનવા અપીલ કરી હતી. આ ઉપરાંત, તેમણે સેક્યુલર સિવિલ કોડની દિશામાં આગળ વધવાની જરૂરિયાત પર ભાર મૂક્યો હતો. હવે રાહુલ ગાંધીના આક્ષેપો અને મોદીના અગાઉના નિવેદનને કારણે ભાજપ અને કોંગ્રેસ વચ્ચે રાજકીય નિવેદનબાજી વધુ તેજ થવાની શક્યતા છે. બંને નેતાઓના નિવેદનોથી રાષ્ટ્રીય રાજકારણમાં ફરી એકવાર ચર્ચા શરૂ થઈ છે.
