Petrol-Diesel Rate: PM મોદીની અપીલ: દેશની એનર્જી સિક્યુરિટી માટે એક વર્ષ સોનું અને ઈંધણ બચાવો

Petrol-Diesel Rate: પેટ્રોલ પર ₹14 અને ડીઝલ પર ₹42નું નુકસાન; જાણો તમારા શહેરમાં આજના ભાવ

રવિવારે હૈદરાબાદમાં આયોજિત એક કાર્યક્રમ દરમિયાન વડાપ્રધાન નરેન્દ્ર મોદીએ દેશની ‘એનર્જી સિક્યુરિટી’ (ઉર્જા સુરક્ષા) બાબતે ગંભીર ચિંતા વ્યક્ત કરી હતી. પીએમ મોદીએ દેશવાસીઓને ખૂબ જ મહત્વપૂર્ણ અપીલ કરતા જણાવ્યું હતું કે, વર્તમાન વૈશ્વિક સ્થિતિને જોતા આગામી એક વર્ષ સુધી ઈંધણ અને ખાદ્ય તેલનો ઉપયોગ ખૂબ જ સમજી-વિચારીને કરવો જોઈએ. વધુમાં, તેમણે દેશના અર્થતંત્રને ટેકો આપવા માટે નાગરિકોને આગામી એક વર્ષ સુધી સોનું ન ખરીદવા પણ આગ્રહ કર્યો છે.

યુદ્ધની અસર અને પુરવઠામાં અવરોધ

અમેરિકા અને ઈરાન વચ્ચે વધી રહેલા સૈન્ય સંઘર્ષની સીધી અસર ભારત સહિત અનેક દેશો પર પડી રહી છે. વ્યૂહાત્મક રીતે અત્યંત મહત્વનો ગણાતો ‘સ્ટ્રેટ ઓફ હોર્મુઝ’ (Strait of Hormuz) સહિતના અનેક સમુદ્રી માર્ગો યુદ્ધને કારણે પ્રભાવિત થયા છે. આ એ માર્ગો છે જ્યાંથી ભારતની મોટાભાગની ક્રૂડ ઓઈલ અને LPGની સપ્લાય આવે છે. પુરવઠા સાંકળ ખોરવાતા દેશમાં ઈંધણની અછત ઉભી થવાનો ડર સતાવી રહ્યો છે.

શું પેટ્રોલ-ડીઝલના ભાવ વધશે?

પીએમ મોદીના નિવેદન બાદ સામાન્ય જનતામાં એવી અટકળો તેજ થઈ છે કે કેન્દ્ર સરકાર ટૂંક સમયમાં પેટ્રોલ અને ડીઝલની કિંમતોમાં તોતિંગ વધારો કરી શકે છે. જોકે, રાહતની વાત એ છે કે આજે 13 મે, બુધવારના રોજ પણ દેશમાં ઈંધણના ભાવ સ્થિર જોવા મળ્યા છે. પશ્ચિમ એશિયામાં તણાવ છતાં ઓઈલ માર્કેટિંગ કંપનીઓ (OMCs) એ ભાવમાં કોઈ ફેરફાર કર્યો નથી. નોંધનીય છે કે કંપનીઓ દરરોજ સવારે 6 વાગ્યે આંતરરાષ્ટ્રીય ક્રૂડના ભાવ અને ચલણના દર મુજબ કિંમતો નક્કી કરે છે.

તેલ કંપનીઓની હાલત કફોડી: કરોડોનું નુકસાન

એક તરફ જનતા મોંઘવારીથી ડરી રહી છે, તો બીજી તરફ ભારતની સરકારી તેલ કંપનીઓ – IOC, BPCL અને HPCL – ભારે નાણાકીય દબાણ હેઠળ છે. એક અંદાજ મુજબ, આ કંપનીઓને પેટ્રોલ-ડીઝલ અને LPGના વેચાણ પર દરરોજ ₹1000 થી ₹1700 કરોડનું સામૂહિક નુકસાન થઈ રહ્યું છે.

• પેટ્રોલ: પ્રતિ લિટર ₹14નું નુકસાન.

• ડીઝલ: પ્રતિ લિટર ₹42નું નુકસાન.

• LPG સિલિન્ડર: રાંધણ ગેસ પર પ્રતિ સિલિન્ડર ₹674નું જંગી નુકસાન.

આજના પેટ્રોલ-ડીઝલના ભાવ (13 મે, 2026)