Paytm shares: ભારતીય ફિનટેક કંપની Paytmની પેરેન્ટ કંપની One97 Communicationsના શેરમાં આજે ભારે ઘટાડો જોવા મળ્યો હતો. બજાર ખુલતાની સાથે જ તેના શેરમાં 3 ટકાથી વધુનો ઘટાડો થયો હતો. 20 ઓક્ટોબર, 2023 ના રોજના રૂ. 998.30ના ઉચ્ચ સ્તરની સરખામણીએ હાલમાં તેના શેરમાં 50 ટકાથી વધુનો ઘટાડો થયો છે.
બપોરે 12:09 વાગ્યે, કંપનીના શેર NSE પર 4.87 ટકા ઘટીને રૂ. 351.90 પર ટ્રેડ થતા જોવા મળ્યા હતા, જ્યારે BSE પર તે જ સમયે 4.92 ટકાનો ઘટાડો જોવા મળ્યો હતો. BSE પર ફિનટેક ફર્મનો શેર રૂ. 352 પર ટ્રેડ થતો જોવા મળ્યો હતો.
લોઅર સર્કિટ લાગ્યું
ઇન્ટ્રા-ડે ટ્રેડ દરમિયાન, BSE 4.99 ટકાની નીચલી સર્કિટ પર પહોંચ્યો હતો. NSE પર તે 5 ટકા ઘટીને 351.40ની નીચી સપાટીએ પહોંચી ગયો હતો. Paytmની પેરેન્ટ કંપનીના શેર આજે રૂ. 358.95 પર ખૂલ્યા હતા, જ્યારે પાછલા ટ્રેડિંગ દિવસે તેઓ રૂ. 370.20 પર બંધ થયા હતા. ઇન્ટ્રાડે ટ્રેડ દરમિયાન પણ તેના શેર માત્ર રૂ. 358.95ના ઉચ્ચ સ્તરે પહોંચી શક્યા હતા.
શેર કેમ ઘટ્યા?
એવું માનવામાં આવે છે કે કંપનીના ચેરમેન અને ચીફ ઓપરેટિંગ ઓફિસર ભાવેશ ગુપ્તાના રાજીનામા બાદ શેરમાં ઘટાડો થયો છે. ગુપ્તાના રાજીનામાની જાહેરાત 4 મેના રોજ સત્તાવાર નિવેદનમાં કરવામાં આવી હતી. તે 31 મે પછી કંપનીથી અલગ થઈ જશે.
તમને જણાવી દઈએ કે ગુપ્તા One97 કોમ્યુનિકેશન્સમાં લોન બિઝનેસ, ઓનલાઈન અને ઓફલાઈન પેમેન્ટ ચલાવતા હતા. RBI દ્વારા Paytm પેમેન્ટ્સ બેંક પર લાદવામાં આવેલા પ્રતિબંધ બાદ તેની આગેવાની હેઠળની કંપની પર નકારાત્મક અસર જોવા મળી હતી. એક્સચેન્જોને આપવામાં આવેલી માહિતીમાં, કંપનીએ કહ્યું કે ભાવેશ ગુપ્તા 31 મે, 2024થી કંપનીમાં CEO ઓફિસમાં સલાહકાર તરીકે કામ કરશે અને તેમનો સપોર્ટ ચાલુ રહેશે.
