PM Modi: લોકશાહીના નવા માઈલસ્ટોન: નરેન્દ્ર મોદીના નામે નોંધાયો સૌથી લાંબા કાર્યકાળનો રેકોર્ડ
ભારતીય રાજનીતિના ઈતિહાસમાં ૧૦ જૂન, ૨૦૨૬નો દિવસ સુવર્ણ અક્ષરે લખાઈ ગયો છે. વડાપ્રધાન નરેન્દ્ર મોદીએ ભારતના સૌથી લાંબા સમય સુધી ‘સતત ચૂંટાયેલા’ (Consecutively Elected) વડાપ્રધાન રહેવાનો રેકોર્ડ પોતાના નામે કરી લીધો છે. ૨૬ મે, ૨૦૧૪ના રોજ પ્રથમવાર વડાપ્રધાન પદના શપથ લેનાર નરેન્દ્ર મોદીએ આજે પોતાના કાર્યકાળના ૪૩૯૯ દિવસ પૂરા કર્યા છે. આ સાથે તેમણે ભારતના પ્રથમ વડાપ્રધાન પંડિત જવાહરલાલ નેહરુનો રેકોર્ડ તોડી નાખ્યો છે, જેઓ સતત ૪૩૯૮ દિવસ સુધી ચૂંટાયેલા વડાપ્રધાન તરીકે પદ પર રહ્યા હતા.
વિકાસ અને વિશ્વાસની સફર
નરેન્દ્ર મોદીનું આ સતત ત્રીજું કાર્યકાળ છે. ૨૦૧૪માં પ્રચંડ બહુમતી સાથે સત્તામાં આવ્યા બાદ, ૨૦૧૯માં તેમને જનતાએ વધુ મોટા જનાદેશ સાથે ફરી આશીર્વાદ આપ્યા. ત્યારબાદ ૨૦૨૪માં સતત ત્રીજીવાર વડાપ્રધાન તરીકે શપથ લઈને તેમણે ઈતિહાસનું પુનરાવર્તન કર્યું છે. આ ૪૩૯૯ દિવસોની સફર માત્ર આંકડાઓનો ખેલ નથી, પરંતુ ભારતની બદલાતી તસવીર અને ૧૪૦ કરોડ દેશવાસીઓના અટલ વિશ્વાસનું પ્રતિબિંબ છે.
जनसेवा ही सुशासन की सबसे बड़ी कसौटी है। विनम्रता, समर्पण और कर्तव्यनिष्ठा के साथ निरंतर कार्य करने वाला व्यक्ति ही जनविश्वास अर्जित करता है।
सदानुरक्तप्रकृतिः प्रजापालनतत्परः।
विनीतात्मा हि नृपतिर्भूयसी श्रियमश्नुते॥ pic.twitter.com/mn0Ax0F8hs
— Narendra Modi (@narendramodi) June 10, 2026
ઐતિહાસિક પરિપ્રેક્ષ્ય: કેવી રીતે તૂટ્યો રેકોર્ડ?
૧૫ ઓગસ્ટ ૧૯૪૭ના રોજ આઝાદી બાદ જવાહરલાલ નેહરુ વડાપ્રધાન બન્યા હતા. ૧૯૫૨ની પ્રથમ સામાન્ય ચૂંટણીમાં જીત મેળવ્યા બાદ, ૧૩ મે ૧૯૫૨થી ૨૭ મે ૧૯૬૪ સુધી તેઓ સતત ચૂંટાયેલા વડાપ્રધાન રહ્યા હતા. આ સમયગાળાને આધારે ૪૩૯૮ દિવસનો રેકોર્ડ તેમના નામે હતો. વડાપ્રધાન મોદીએ ૨૬ મે ૨૦૧૪થી શરૂ કરીને આજે ૪૩૯૯ દિવસનો માઈલસ્ટોન પાર કરી આ લાંબા સમયથી ચાલ્યા આવતા રેકોર્ડને (Surpass) કર્યો છે.
સુશાસન અને લોકશાહીની તાકાત
મોદી સરકારના આ દાયકાને જોતા સ્પષ્ટ થાય છે કે ભારતે ડિજિટલ ઈન્ડિયા, ઈન્ફ્રાસ્ટ્રક્ચર વિકાસ, ગરીબ કલ્યાણ યોજનાઓ અને વૈશ્વિક સ્તરે ભારતની વધતી પ્રતિષ્ઠાના નવા આયામો સર કર્યા છે. વડાપ્રધાન મોદીના મતે, આ સફળતાનું શ્રેય દેશના નાગરિકોને જાય છે જેમણે લોકશાહીમાં અટૂટ શ્રદ્ધા રાખી છે. આ સિદ્ધિ એ વાતનું પ્રમાણ છે કે ભારતીય લોકશાહી પરિપક્વ થઈ રહી છે અને જનતા હવે વિકાસના એજન્ડાને સર્વોપરી માને છે.
