MG Cyberster ની કિંમત, ડિલિવરી અને ખાસિયતોની પૂરી જાણકારી
MG Cyberster ભારતમાં 72.49 લાખ રૂપિયાની શરૂઆત સાથે લોન્ચ: ફીચર્સ, રેન્જ, પરફોર્મન્સ અને ડિલિવરીની સંપૂર્ણ જાણકારી
MG Cyberster: MG Motor એ તેની સૌથી વધારે રાહ જોઈ ગઇ ઈલેક્ટ્રિક સ્પોર્ટ્સ કાર Cyberster ભારતમાં લોન્ચ કરી દીધી છે. તેની શરૂઆતની કિંમત 72.49 લાખ (એક્સ-શોરૂમ) રાખવામાં આવી છે, જે ફક્ત પહેલેથી બુક કરાવનાર ગ્રાહકો માટે છે. નવી બુકિંગ માટે કિંમત 74.99 લાખ (એક્સ-શોરૂમ) થશે. આ કારની ડિલિવરી 10 ઓગસ્ટ 2025 થી શરૂ થશે. MG Cyberster માત્ર MG Select શોરૂમ મારફતે વેચાશે.
Cyberster એક સંપૂર્ણ ઈલેક્ટ્રિક 2-સીટર રોડસ્ટર છે, જેને MG ની આઇકોનિક MGB રોડસ્ટરની યાદમાં ડિઝાઇન કરવામાં આવી છે. આ કાર ફ્યુચરિસ્ટિક ડિઝાઇન, શક્તિશાળી પરફોર્મન્સ અને હાઈ-ટેક ફીચર્સ સાથે આવે છે. તેમાં ડ્યુઅલ મોટર ઓલ-વીલ ડ્રાઈવ સેટઅપ છે, જે 510 બીએચપી અને 725 એનએમ ટોર્ક આપે છે. કાર ફક્ત 3.2 સેકંડમાં 0-100 કિમી/કલાક ઝડપ મેળવે છે. તેનું ડ્રેગ કોએફિશિએન્ટ માત્ર 0.269 Cd છે, જે તેને વધુ એરોડાયનેમિક બનાવે છે.
