Maruti Baleno Safety: ફેમિલી કાર તરીકે પસંદગી કેટલી સલામત છે?
મારુતિ બલેનો સેફ્ટી રેટિંગ: મારુતિ સુઝુકી બલેનો માટે એક મોટી સિદ્ધિ આવી છે. આ હેચબેકને ભારત NCAP ક્રેશ ટેસ્ટમાં 4-સ્ટાર સેફ્ટી રેટિંગ મળ્યું છે. ચાલો જાણીએ કે શું આ વેરિઅન્ટ ખરીદવા યોગ્ય છે?
મારુતિ સુઝુકીની લોકપ્રિય પ્રીમિયમ હેચબેક બલેનોએ ભારત NCAP (BNCAP) ક્રેશ ટેસ્ટમાં 4-સ્ટાર સેફ્ટી રેટિંગ મેળવ્યું છે. આ સેફ્ટી રેટિંગ એ વાતનો પુરાવો છે કે મારુતિ હવે તેના વાહનોમાં સેફ્ટીને પ્રાથમિકતા આપી રહી છે, અને ડિઝાયર પછી, બલેનો આનું એક મજબૂત ઉદાહરણ તરીકે ઉભરી આવ્યું છે.
ક્રેશ ટેસ્ટમાં 4-સ્ટાર સેફ્ટી રેટિંગ
Maruti Balenoના ક્રેશ ટેસ્ટ પરિણામોથીcarsની સુરક્ષા બાબતે મહત્વપૂર્ણ માહિતી મળી છે.
6 એરબેગ વેરિઅન્ટે એડલ્ટ પ્રોટેક્શન માટે 32 માંથી 26.52 પોઈન્ટ મેળવ્યા છે, જ્યારે સાઈડ ઇમ્પેક્ટ ટેસ્ટમાં 16 માંથી 14.99 પોઈન્ટ મળ્યા. બીજી તરફ, 2 એરબેગ વેરિઅન્ટને એડલ્ટ સેફ્ટી માટે 24.04 પોઈન્ટ અને સાઈડ ટેસ્ટમાં 12.50 પોઈન્ટ મળ્યા.
બન્ને વેરિઅન્ટે ચાઈલ્ડ ઓક્યુપન્ટ પ્રોટેક્શન માટે સમાન 49 માંથી 34.81 પોઈન્ટ મેળવ્યા છે. આ પોઈન્ટ્સ ISOFIX એન્કરેજ અને ડમ્મી પર્ફોર્મન્સના આધારે આપવામાં આવ્યા હતા.
6 એરબેગ વેરિઅન્ટને વધારે સુરક્ષિત માનવામાં આવે છે કારણ કે તેમાં Curtain અને Thorax એરબેગ્સ પણ હોય છે, જે સાઈડ ક્રેશ દરમિયાન વધારે સુરક્ષા આપે છે. આ વેરિઅન્ટે સાઈડ બેરિયર ટેસ્ટમાં 90%થી વધુ સ્કોર મેળવીને બતાવ્યું કે તે સુરક્ષાની દૃષ્ટિએ વધુ સક્ષમ છે.
સેફ્ટી ટેકનિક
સેફ્ટી ટેકનિકની વાત કરીએ તો ESC (Electronic Stability Control), પેડેસ્ટ્રિયન સુરક્ષા પગલાં અને સીટ બેલ્ટ રિમાઇન્ડર જેવા ફીચર્સ બંને વેરિઅન્ટમાં સ્ટાન્ડર્ડરૂપે ઉપલબ્ધ છે. આ તમામ ફીચર્સની ટેસ્ટિંગ વર્ષ 2024માં કરવામાં આવી હતી અને પરિણામો 2025માં જાહેર કરવામાં આવ્યા હતા. બંને વેરિઅન્ટ્સ – AGS અને MT –નું વજન 1,220 કિલોગ્રામ હતું અને બંને પર સમાન રીતે પરીક્ષણ થયું હતું.
Maruti Suzuki ગ્રાહકોને આ સંદેશ આપી રહી છે કે હવે કંપની સુરક્ષા બાબતે સંપૂર્ણ ગંભીરતા દાખવી રહી છે. જો તમે Baleno ખરીદવાની યોજના બનાવી રહ્યા છો, તો 6 એરબેગ વેરિઅન્ટ વધુ સુરક્ષિત અને વધુ યોગ્ય પસંદગી સાબિત થઈ શકે છે – ખાસ કરીને તે લોકો માટે, જે પરિવાર સાથે હાઈવે પર યાત્રા કરતા હોય.
