Market declines: ગુરુવારે (25 જુલાઈ) ભારતીય શેરબજારોમાં ઘટાડો જોવા મળ્યો હતો. નિફ્ટી 180 પોઈન્ટના ઘટાડા સાથે ટ્રેડ થઈ રહ્યો હતો. સેન્સેક્સ પણ લગભગ 500 પોઈન્ટના ઘટાડા સાથે ખુલ્યો. ટ્રેડિંગના અંતે સેન્સેક્સ 109 પોઈન્ટ ઘટીને 80,039 અને નિફ્ટી 24,406 પર બંધ થયો.
આજે સવારે ગિફ્ટ નિફ્ટીમાં 238 પોઈન્ટનો મોટો ઘટાડો જોવા મળ્યો હતો. ટેક શેરોમાં વેચવાલીને કારણે ગઈકાલે યુએસ બજારોમાં 2022 પછીનો સૌથી મોટો ઘટાડો જોવા મળ્યો હતો. નાસ્ડેક અને ડાઉ બંને મોટા નુકસાન સાથે બંધ થયા છે. જો કે આજે સવારે અમેરિકી વાયદા બજારો લીલા નિશાનમાં ટ્રેડ થઈ રહ્યા હતા.
સેન્સેક્સના 30 શેરોમાંથી 27 ઘટી રહ્યા છે અને માત્ર 3 વધી રહ્યા છે. આ સાથે નિફ્ટીના 50 શેરોમાંથી 43માં ઘટાડો, 5 વધ્યા અને 2માં કોઈ ફેરફાર થયો ન હતો.
મેટલ સેક્ટરમાં સૌથી વધુ 1.43%નો ઘટાડો.
મેટલ સેક્ટર એનએસઈના સેક્ટરલ ઈન્ડેક્સમાં સૌથી વધુ 1.43% નો ઘટાડો જોવા મળી રહ્યો છે. પ્રાઇવેટ બેંકમાં 1.12%, બેંક નિફ્ટીમાં 0.94%, ITમાં 0.64% અને ફાર્મામાં 0.50%નો ઘટાડો છે. એફએમસીજી અને ઓટો સેક્ટર ઝડપી ગતિએ ટ્રેડ થઈ રહ્યા છે.
