iPhone 16: બજેટ કિંમતમાં મેળવો iPhone 16 અને Pixel 10; પ્રીમિયમ ફીચર્સ સાથે સેલમાં મળી રહ્યું છે જંગી ડિસ્કાઉન્ટ
વર્ષ ૨૦૨૫ માં ભારત સહિત સમગ્ર વિશ્વમાં સૌથી વધુ વેચાનારો સ્માર્ટફોન બની ચૂકેલા આઇફોન ૧૬ (iPhone 16) ની લોન્ચિંગને ભલે હવે બે વર્ષ થવા આવ્યા હોય, પરંતુ આ ફોનનો ક્રેઝ આજે પણ જરાય ઓછો થયો નથી. પોતાના દમદાર અને પ્રીમિયમ ફીચર્સને કારણે આ સ્માર્ટફોન આજના સમયના નવા ફ્લેગશિપ ફોન્સને પણ જોરદાર ટક્કર આપી રહ્યો છે. જો તમે પણ લાંબા સમયથી પ્રીમિયમ આઇફોન ખરીદવાનું વિચારી રહ્યા છો, તો તમારા માટે આ બેસ્ટ સમય છે. જાણીતા ઇલેક્ટ્રોનિક્સ સ્ટોર ક્રોમા (Croma) પર આઇફોન ૧૬ પર અત્યાર સુધીની સૌથી શાનદાર ડીલ લાઈવ થઈ છે, જેનો લાભ લઈને તમે હજારો રૂપિયાની બચત કરી શકો છો. ચાલો જાણીએ આઇફોન ૧૬ ના ફીચર્સ અને ક્રોમા પર મળી રહેલી ડિસ્કાઉન્ટ ઓફર વિશે.
ગ્રાહકો આજે પણ iPhone 16 ને કેમ આટલો પસંદ કરી રહ્યા છે?
એપલે વર્ષ ૨૦૨૪ ના અંતમાં આઇફોન ૧૬ સિરીઝ વૈશ્વિક માર્કેટમાં ઉતારી હતી. આ સિરીઝના સ્ટાન્ડર્ડ વેરિઅન્ટ એટલે કે બેઝ મોડલ iPhone 16 માં ગ્રાહકોને ૬.૧ ઇંચની સુપર રેટિના XDR OLED ડિસ્પ્લે મળે છે. આ ડિસ્પ્લે 60Hz રિફ્રેશ રેટ, HDR કન્ટેન્ટ સપોર્ટ અને આઉટડોર વપરાશ માટે ૨,૦૦૦ નિટ્સની પીક બ્રાઇટનેસ સાથે આવે છે, જે ભરતડકામાં પણ સ્ક્રીનને એકદમ ક્લિયર રાખે છે.
આ ફોનની સૌથી મોટી તાકાત તેનું પ્રબળ A18 બાયોનિક પ્રોસેસર છે. આ ચિપસેટ હેવી ગેમિંગ, મલ્ટિટાસ્કિંગ અને એપલ ઇન્ટેલિજન્સ (Apple Intelligence – AI) ના અદ્યતન ફીચર્સને અત્યંત સરળતાથી હેન્ડલ કરે છે. હાઈ પરફોર્મન્સ આપવાની સાથે આ પ્રોસેસર બેટરીની બચત પણ કરે છે અને ભવિષ્યમાં આવનારા તમામ આઇઓએસ (iOS) સોફ્ટવેર અપડેટ્સ માટે સંપૂર્ણ સક્ષમ છે.
કેમેરા સેક્શનની વાત કરીએ તો, તેના રિયર (પાછળના) ભાગમાં 48MP નો મુખ્ય કેમેરો અને 12MP નો અલ્ટ્રા-વાઇડ કેમેરો ધરાવતું ડ્યુઅલ કેમેરા સેટઅપ આપેલું છે. જ્યારે સેલ્ફી અને વીડિયો કોલિંગ માટે ફ્રન્ટમાં 12MP નો શાનદાર ટ્રુડેપ્થ કેમેરો છે. પાવર બેકઅપ માટે આ ફોનમાં દમદાર બેટરી છે જે સિંગલ ચાર્જ પર ૨૨ કલાક સુધીનો સતત વીડિયો પ્લેબેક સપોર્ટ આપે છે. લાંબો સોફ્ટવેર સપોર્ટ અને પ્રીમિયમ લુક આ ફોનને આજે પણ લોકોની પહેલી પસંદ બનાવે છે.
ક્રોમા (Croma) પર કેટલો સસ્તો મળી રહ્યો છે iPhone 16?
જ્યારે ભારતમાં iPhone 16 લોન્ચ કરવામાં આવ્યો હતો ત્યારે તેની શરૂઆતની કિંમત રૂ. ૭૯,૯૦૦ નક્કી કરાઈ હતી. પરંતુ ક્રોમાની વર્તમાન સેલ ઓફરમાં આ ફોન ખૂબ જ સસ્તા ભાવે લિસ્ટ કરવામાં આવ્યો છે. ક્રોમા પર આ પ્રીમિયમ ફોન અત્યારે માત્ર રૂ. ૬૬,૪૯૦ ની કિંમતે વેચાઈ રહ્યો છે. એટલે કે ગ્રાહકોને સીધું રૂ. ૧૩,૦૦૦ થી વધુનું ફ્લેટ ડિસ્કાઉન્ટ મળી રહ્યું છે. આ સિવાય, જો તમે એકસાથે આટલી મોટી રકમ ચૂકવવા ન માંગતા હોવ, તો ક્રોમા દ્વારા વ્યાજમુક્ત ઈએમઆઈ (No Cost EMI) નો વિકલ્પ પણ આપવામાં આવી રહ્યો છે, જેથી તમારા ખિસ્સા પર એકસાથે બોજ નહીં પડે.
એન્ડ્રોઇડ યુઝર્સ માટે પણ લોટરી: Google Pixel 10 પર પણ મોટું ડિસ્કાઉન્ટ
જો તમે આઇફોન સિસ્ટમની જગ્યાએ પ્યોર એન્ડ્રોઇડ અનુભવ મેળવવા માંગતા હોવ, તો ગુગલના ફ્લેગશિપ ફોન પર પણ જબરદસ્ત ઑફર ચાલી રહી છે. ગત વર્ષે લોન્ચ થયેલો ગુગલનો પ્રીમિયમ ફોન Google Pixel 10 આ સમયે ઇ-કોમર્સ વેબસાઇટ એમેઝોન (Amazon) પર ભારે ડિસ્કાઉન્ટ સાથે લિસ્ટ થયો છે.
ભારતીય બજારમાં ગુગલ પિક્સેલ ૧૦ રૂ. ૭૯,૯૯૯ ની કિંમતે લોન્ચ થયો હતો, પરંતુ હાલમાં એમેઝોન સેલમાં તે માત્ર રૂ. ૬૬,૯૦૦ માં મળી રહ્યો છે. આ સિવાય બેંક કાર્ડ્સ પર રૂ. ૨,૦૦૦ નું વધારાનું કેશબેક પણ ઉપલબ્ધ છે. આ તમામ ઓફર્સ મિલાવીને ગુગલ પિક્સેલ ૧૦ ની કિંમત રૂ. ૬૫,૦૦૦ થી પણ ઓછી થઈ જશે. AI ફીચર્સથી સજ્જ આ એન્ડ્રોઇડ ફોન ખરીદવાની પણ આ ઉત્તમ તક છે.
