Instagram Reels: Instagram પર રીલ હવે હેન્ડ્સફ્રી જોવા મળશે
Instagram Reels: Instagram લાવ્યો Auto Scroll ફીચર, હવે Reels આપમેળે સ્ક્રોલ થશે! જાણો કેવી રીતે એક્ટિવેટ કરવું અને શું છે ખાસિયત.
Instagram Reels: ઇન્સ્ટાગ્રામ (Instagram) પોતાના યુઝર્સ માટે એક નવું અને ખૂબ જ ઉપયોગી ફીચર લાવી રહ્યો છે. આ ફીચરનું નામ Auto Scroll છે. હવે યુઝર્સ રીલ્સ અને ફીડને સ્ક્રીનને ટચ કર્યા વગર જોઈ શકશે. એટલે કે દરેક વખત આંગળીથી સ્ક્રોલ કરવાની જરૂર નહીં પડે. આ ફીચર હાલમાં આઇફોન યુઝર્સ માટે રોલઆઉટ થવા લાગ્યું છે અને જલ્દી જ એન્ડ્રોઈડ યુઝર્સ માટે પણ ઉપલબ્ધ થશે.
Instagram નું નવું Auto Scroll ફીચર રીલ્સ જોવા માટેનો અનુભવ બદલી દેશે. આ ફીચર ચાલુ કર્યા બાદ, તમને ફક્ત પ્રથમ રીલ પ્લે કરવી પડશે, અને બાકી રીલ્સ આપમેળે સ્ક્રોલ થવા લાગશે. ખાસ કરીને તે લોકો માટે આ ફીચર ખૂબ ઉપયોગી સાબિત થશે, જેઓ ઇન્સ્ટાગ્રામ ચલાવતા વખતે અન્ય કામો પણ કરવા માગે છે.
Auto Scroll ફીચર કેવી રીતે સક્રિય કરવું?
સૌથી પહેલા કોઈ પણ Reel ખોલવી.
જમણી તરફ નીચે ત્રણ ડોટ્સ પર ટૅપ કરવું.
ત્યાં તમને Auto Scroll નો વિકલ્પ જોવા મળશે.
આ વિકલ્પ ચાલુ કરતા જ Reels આપમેળે સ્ક્રોલ થવા લાગી જશે.
આ ફીચર હાલમાં iPhone યુઝર્સ માટે ટેસ્ટિંગની અવસ્થામાં છે. કંપનીએ જણાવ્યું છે કે ટૂંક સમયમાં આ ફીચર એન્ડ્રોઇડ ડિવાઇસ માટે પણ ઉપલબ્ધ થશે.
Instagram 3:4 ફોટો સાઈઝનો નવો વિકલ્પ લાવી રહ્યું છે
Auto Scroll ફીચર ઉપરાંત, કંપની ફોટોના સાઈઝમાં પણ મોટો બદલાવ કરવા જઈ રહી છે. અત્યાર સુધી Instagram પર ફક્ત 1:1 સ્ક્વેર અને 4:5 રેક્ટેંગલ ફોર્મેટ સપોર્ટ કરવામાં આવતું હતું. હવે Instagram એ 3:4 વર્ટિકલ ફોટો સાઈઝનો પણ સપોર્ટ ઉમેર્યો છે.
આ બદલાવની જાણકારી Instagram ના હેડ એડમ મોસેરીએ Threads પર આપી છે. તેમણે કહ્યું કે હવે યુઝર્સ લાંબા ફોટા અપલોડ કરી શકશે, જે મોટા ભાગના સ્માર્ટફોન કેમેરાના નેચરલ ફોર્મેટ અનુસાર હશે. આ ફીચર સિંગલ ફોટા અને ફોટા ગ્રુપ બંને માટે ઉપલબ્ધ રહેશે.
જલ્દી આવી રહ્યા છે વધુ ફીચર્સ
Instagram સતત તેના યુઝર્સ માટે નવા-નવા ફીચર્સ પર ટેસ્ટિંગ કરી રહ્યો છે. આવતા સમયમાં AI આધારિત એડિટિંગ ફીચર્સ, સુધારેલા સર્ચ વિકલ્પો અને કસ્ટમાઈઝ્ડ ફીડ કંટ્રોલ્સ પણ જોવા મળી શકે છે.
