GST Data
GST Data: જુલાઈ 2024 માં 1.82 લાખ કરોડ રૂપિયા GST એકત્રિત કરવામાં આવ્યો છે, જે અગાઉના મહિને જૂન 2024 માં 1.74 લાખ કરોડ રૂપિયા હતો.
GST Collection For July 2024: જુલાઈ 2024માં GST કલેક્શન (ગુડ્સ એન્ડ સર્વિસ ટેક્સ કલેક્શન) રૂ. 1,82,075 કરોડ હતું જે જુલાઈ 2023માં રૂ. 1,65,105 કરોડ હતું. ગયા વર્ષના સમાન મહિનાની સરખામણીએ જુલાઈ 2024માં 10.3 ટકા વધુ GST વસૂલવામાં સફળતા મળી છે. જૂન 2024માં રૂ. 1.74 લાખ કરોડ જીએસટીની વસૂલાતમાં સફળતા મળી હતી. નાણા મંત્રાલય દ્વારા 1 જુલાઈ, 2024 ના રોજ જીએસટી કલેક્શન ડેટા જાહેર કરવામાં આવ્યો ન હતો. પરંતુ આ વખતે આ ડેટા GST કાઉન્સિલના પોર્ટલ પર અપલોડ કરવામાં આવ્યો છે. આ નાણાકીય વર્ષ 2024-25ના એપ્રિલ મહિનામાં 2.10 લાખ કરોડ રૂપિયાનું GST કલેક્શન થયું હતું, જે એક રેકોર્ડ છે.
GST કલેક્શનનો માસિક ડેટા જાહેર કરતાં જણાવવામાં આવ્યું હતું કે જુલાઈ 2024માં CGST દ્વારા 32,386 કરોડ રૂપિયા, SGST દ્વારા 40,289 કરોડ રૂપિયા, IGST દ્વારા રૂપિયા 49,437 કરોડ અને સેસ દ્વારા રૂપિયા 11,923 કરોડ પ્રાપ્ત થયા છે. એટલે કે કુલ સ્થાનિક આવક 8.9 ટકાના ઉછાળા સાથે રૂ. 1.34 લાખ કરોડ થઈ છે.
આયાતના મોરચે, IGST દ્વારા રૂ. 47009 કરોડ અને સેસ દ્વારા રૂ. 1029 કરોડ એકત્ર કરવામાં આવ્યા છે. આયાતથી GSTની આવકમાં 14.2 ટકાનો વધારો થયો છે. ડેટા અનુસાર, 7813 કરોડ રૂપિયાનું ઘરેલુ રિફંડ જારી કરવામાં આવ્યું છે, જે જુલાઈ 2023ની સરખામણીમાં 34.1 ટકા ઓછું છે. જુલાઈ 2023માં 11,857 કરોડ રૂપિયાનું રિફંડ આપવામાં આવ્યું હતું. 8470 કરોડનું IGST રિફંડ જારી કરવામાં આવ્યું છે, જે ગયા વર્ષના જુલાઈની સરખામણીએ 1.4 ટકા વધુ છે. કુલ રિફંડમાં 19.2 ટકાનો ઘટાડો થયો છે. જુલાઈ 2024માં 16,283 કરોડ રૂપિયાનું રિફંડ આપવામાં આવ્યું હતું, જ્યારે જુલાઈ 2023માં 20,209 કરોડ રૂપિયાનું રિફંડ આપવામાં આવ્યું હતું.
નાણા મંત્રાલયે એક નિવેદન જારી કરીને કહ્યું કે, હવેથી ગુડ્સ એન્ડ સર્વિસ ટેક્સનો માસિક ડેટા GST વેબસાઇટ https://www.gst.gov.in પર સમાચાર અને અપડેટ વિભાગમાં ઉપલબ્ધ થશે. હવેથી આ પોર્ટલ પર GST કલેક્શનનો ડેટા અપલોડ કરવામાં આવશે.
