GST Collection
GST Collection: ઓક્ટોબરમાં જ દશેરા, દિવાળી અને ધનતેરસના તહેવારો હતા જેમાં લોકોએ ઘણી ખરીદી કરી હતી. જેના કારણે જીએસટી કલેક્શનમાં મોટો ઉછાળો આવ્યો છે.
GST Collection Data: તહેવારોની સિઝનને કારણે ઓક્ટોબર 2024માં GST કલેક્શનમાં મોટો ઉછાળો આવ્યો છે. ઓક્ટોબરમાં ગુડ્સ એન્ડ સર્વિસ ટેક્સ કલેક્શન રૂ. 1,87,346 કરોડ હતું, જે ગયા નાણાકીય વર્ષના ઓક્ટોબરમાં રૂ. 1.72 લાખ કરોડ કરતાં 8.9 ટકા વધુ છે. સપ્ટેમ્બર 2024માં GST કલેક્શન 1.73 લાખ કરોડ રૂપિયા હતું. GST રિફંડ જારી કર્યા પછી, ઓક્ટોબર મહિનામાં કુલ કલેક્શન 8 ટકાના ઉછાળા સાથે રૂ. 1,68,041 કરોડ થયું છે.
ઑક્ટોબર મહિના માટે ગૂડ્ઝ અને સર્વિસિસના કુલ અને ચોખ્ખા સંગ્રહનો ડેટા બહાર પાડવામાં આવ્યો છે. આ મહિનામાં GSTની કુલ આવક 1.87,346 કરોડ રૂપિયા રહી છે. જેમાં CGSTની આવક રૂ. 33,821 કરોડ, SGACની આવક રૂ. 41,864 કરોડ, IGST રૂ. 54,878 કરોડ અને સેસ રૂ. 11,688 કરોડ છે. કુલ સ્થાનિક આવકમાં 10.6 ટકાનો ઉછાળો આવ્યો છે. આયાતના મોરચે, IGSTમાંથી રૂ. 44,233 કરોડ અને સેસમાંથી રૂ. 862 કરોડની આવક થઈ છે.
કુલ જીએસટી કલેક્શન રૂ. 1,87,346 કરોડ થયું છે, જેમાંથી રૂ. 19,306 કરોડ જીએસટી રિફંડ જારી કરવામાં આવ્યા છે. ગયા નાણાકીય વર્ષના ઓક્ટોબર મહિનામાં રૂ. 16,335 કરોડનું રિફંડ આપવામાં આવ્યું હતું. એટલે કે ઓક્ટોબર મહિનામાં આપવામાં આવેલા રિફંડમાં 18.2 ટકાનો ઉછાળો આવ્યો છે.
