GPSC New Rules
ગુજરાત સરકારમાં નોકરી મેળવવા માટે સ્પર્ધાત્માકપરિક્ષાની તૈયારીઓ કરી રહેલા ઉમેદવારો માટે મહત્ત્વના સમાચાર છે. ગુજરાત એડમિનિસ્ટ્રેશન ડિપાર્ટમેન્ટ દ્વારા વર્ગ 1 અને 2માં ભરતી માટે નવા નિયમો જાહેર કરવામાં આવ્યા છે. સામાન્ય વહીવટ વિભાગે આ નવા નિયમોને અમલમાં મૂકવાની જાહેરાત કરી છે, જેના હેઠળ આગામી ભરતીપરિક્ષાઓ માટે ખાસ માર્ગદર્શન આપવામાં આવ્યું છે.
જાણો શું છે નવા નિયમો
નવા નિયમ અનુસાર, GPSC વર્ગ-1 અને 2ની ભરતી પરીક્ષામાં પ્રિલિમ અને મુખ્ય એમ બે ભાગમાં પરીક્ષા લેવાશે. ઉમેદવારે મુખ્યપરિક્ષા આપતા પહેલા પ્રિલિમ પરીક્ષામાં ઉત્તીર્ણ થવું આવશ્યક છે. પ્રિલિમ પરીક્ષામાં ઓબ્જેક્ટિવ પ્રશ્નોના જવાબ આપવાના રહેશે. જ્યારે મુખ્ય પરીક્ષામાંપરીક્ષા આપવાની સાથે ફિઝિકલ ટેસ્ટ એટલે કે પર્સાનાલિટી ટેસ્ટ આપવો પડશે. ઉમેદવારો ખાસ ધ્યાનમાં રાખે કે ભરતી પરીક્ષા પહેલા જીપીએસસી પરીક્ષાને લઈને સિલેબસ જાહેર કરશે. ઉમેદવારના ઓર્ડર, પ્રેફરન્સ સહિતના નિયમોને લઈ ગેઝેટ જાહેર કરાશે.
ઉલ્લેખનીય છે કે, ગુજરાતી અને અંગ્રેજી એમ બંને ભાષામાં પરીક્ષા લેવામાં આવશે. પહેલી ફેબ્રુઆરી 2025ના રોજ જાહેરાત વર્ગ 1 અને 2ની ભરતીની જાહેરાત કરાઈ હતી. જેને ફેબ્રુઆરીના અંતિમ સપ્તાહમાં રદ કરવામાં આવી હતી અને હવે સામાન્ય વહીવટ વિભાગ દ્વારા ભરતીને લઈને નવા નિયમો જાહેર કરાયા છે.
GAS પરીક્ષાના નવા નિયમ!
પ્રિલિમિનરી પરીક્ષા: ફક્ત 200 ગુણનું એક જ પેપર (MCQ-Based)
મુખ્ય પરીક્ષા: કુલ 7 પેપર રહેશ. ભાષાના પેપર માત્ર ક્વોલિફાઈંગ (ફાઇનલ મેરીટમાં નહીં ગણાય, મિનિમમ 25% (75/300) જરૂરી) ગુજરાતીમાં 300 ગુણ અને અંગ્રેજીમાં 300 ગુણ જરૂરી છે.
મેરિટ પેપર (1250 ગુણ)
નિબંધ – 250 ગુણ
સામાન્ય અભ્યાસ-I – 250 ગુણ
સામાન્ય અભ્યાસ-II – 250 ગુણ
સામાન્ય અભ્યાસ-III – 250 ગુણ
સામાન્ય અભ્યાસ-IV (નીતિશાસ્ત્ર સંભાવિત) – 250 ગુણ
ઇન્ટરવ્યુ: 150 ગુણ
અંતિમ મેરિટ: મુખ્ય પરીક્ષા (1250)+ઈન્ટરવ્યૂ (150)=1400 ગુણ
જનરલ સ્ટડી પેપર અને નિબંધ હવે 250 ગુણ છે. સામાન્ય અભ્યાસ-IV (Ethics Probably) ઉમેરાયું છે. મુખ્ય પરીક્ષા અને ઈન્ટરવ્યુના આધારે ફાઈનલ મેરીટ નક્કી થશે.
