iPhone SE 4ના યુઝર્સ માટે સારા સમાચાર.

iPhone SE 4 :  iPhone SE 4ની રાહ જોઈ રહેલા યુઝર્સ માટે સારા સમાચાર છે. Appleના આ સસ્તા iPhoneમાં પણ iPhone 16ના ઘણા ફીચર્સ મળી શકે છે. આ સસ્તો આઈફોન આવતા વર્ષના પહેલા ક્વાર્ટરમાં લોન્ચ થઈ શકે છે. આ આઈફોન વિશે ઘણા અહેવાલો સામે આવ્યા છે. આ સિવાય iPhone 17ના અન્ય નવા મોડલ વિશે વિગતો બહાર આવી છે. iPhone SE 4 માં પાછલી પેઢીની સરખામણીમાં મોટું અપગ્રેડ જોવા મળી શકે છે.

iPhone SE 4 ની નવી વિગતો

iPhone SE 4માં પણ કંપની Apple Intelligence એટલે  કે iPhone 16 જેવા AI ફીચરનો ઉપયોગ કરી શકે છે. Appleના આ સસ્તું iPhoneનો દેખાવ અને ડિઝાઇન iPhone 14 જેવો હોઈ શકે છે. આ સિવાય તેમાં OLED ડિસ્પ્લે પેનલ સાથે 48MP રિયર કેમેરા આપવામાં આવી શકે છે. બ્લૂમબર્ગના માર્ક ગુરમેનના જણાવ્યા અનુસાર, iPhone SE 4માં Apple Intelligence ફીચર મળી શકે છે. જો કે, Appleના કેટલાક નિષ્ણાતોનું માનવું છે કે Apple Intelligence માટે કંપની યૂઝર્સ પાસેથી દર મહિને $20 એટલે કે લગભગ 1600 રૂપિયાનો સબસ્ક્રિપ્શન ચાર્જ વસૂલ કરી શકે છે.

iPhone SE 4 વિશે બહાર આવેલી અન્ય માહિતી અનુસાર, Appleનો આ iPhone A18 ચિપસેટ સાથે આવશે, જે ઈન-બિલ્ટ NPU એટલે કે ન્યુરલ પ્રોસેસિંગ યુનિટને સપોર્ટ કરશે. એટલું જ નહીં, આ સસ્તા iPhoneમાં 6GB અથવા 8GB LPDDR5 રેમનો સપોર્ટ મળી શકે છે. કંપની આ સસ્તું iPhoneમાં યુએસબી ટાઈપ સી, ફેસ આઈડી સહિત અનેક ફીચર્સ અપગ્રેડ કરી શકે છે.

આઇફોન 17 એર

iPhone 16 સિરીઝ આવતા મહિને લોન્ચ થશે. Appleની આ નવી સીરીઝના લોન્ચ પહેલા જ iPhone 17 સાથે જોડાયેલા સમાચાર સામે આવી રહ્યા છે. હાલમાં જ એક રિપોર્ટ સામે આવ્યો હતો, જેમાં કહેવામાં આવ્યું છે કે iPhone 17માં કંપની પ્લસ મોડલને સ્લિમ મોડલથી રિપ્લેસ કરશે. હવે આ સીરિઝ સાથે જોડાયેલ એક નવો રિપોર્ટ સામે આવ્યો છે. જો આ રિપોર્ટનું માનીએ તો iPhone 17માં એર મોડલ પણ રજૂ કરવામાં આવી શકે છે. એપલે અત્યાર સુધી માત્ર આઈપેડનું એર મૉડલ જ લૉન્ચ કર્યું છે, જે સ્ટાન્ડર્ડ મૉડલની સરખામણીમાં સસ્તું કિંમત સાથે આવે છે. આવી સ્થિતિમાં કંપની આઇફોન 17 સીરીઝના આ નવા મોડલને મિડ-બજેટમાં લોન્ચ કરી શકે છે.