Facebook પર વિડિઓ પોસ્ટ કરવાની અને જોવાની રીતમાં મોટો ફેરફાર
Facebook: આગામી મહિનાઓમાં, ફેસબુક પર અપલોડ કરાયેલ દરેક વીડિયો – પછી ભલે તે ટૂંકો હોય કે લાંબો – આપમેળે રીલ તરીકે પોસ્ટ થશે. એટલે કે, હવે તમારે નક્કી કરવાની જરૂર રહેશે નહીં કે વિડિઓ સામાન્ય છે કે રીલ, કારણ કે હવે બંને એકસરખા થઈ જશે.
Facebook : મેટાએ ફેસબુક પર વિડિઓ પોસ્ટ કરવાની અને જોવાની રીતમાં મોટો ફેરફાર કરવાની જાહેરાત કરી છે. આગામી મહિનાઓમાં, ફેસબુક પર અપલોડ કરાયેલ દરેક વીડિયો – પછી ભલે તે ટૂંકો હોય કે લાંબો – આપમેળે રીલ તરીકે પોસ્ટ થશે. એટલે કે, હવે તમારે નક્કી કરવાની જરૂર રહેશે નહીં કે વિડિઓ સામાન્ય છે કે રીલ, કારણ કે હવે બંને એકસરખા થઈ જશે.
વિડિયો પોસ્ટ કરવું બનશે સરળ
હાલ સુધી Facebook પર વિડિઓ અને Reels માટે અલગ-અલગ ટૂલ્સ હતા, જેના કારણે કન્ટેન્ટ બનાવવું થોડીક જટિલતા ભર્યું હતું. પરંતુ હવે Meta બધું એક જ સરળ ઈન્ટરફેસમાં લાવી રહ્યું છે. આથી તમે સરળતાથી વિડિયો બનાવી શકશો, એડિટ કરી શકશો અને શેર કરી શકશો. આ અપડેટ સાથે અનેક ક્રિએટિવ ટૂલ્સ પણ મળશે, જે વિડિયો વધુ આકર્ષક બનાવવા માટે મદદ કરશે.
કોઈ ટાઇમ લિમિટ નહીં, કોઈ ફોર્મેટની ઝંઝટ નહીં
પહેલાં Reelsમાં સમય મર્યાદા (જેમ કે 60 કે 90 સેકન્ડ) હોતું, પરંતુ હવે આવું નહીં રહેશે. હવે તમે 30 સેકન્ડની શોર્ટ ક્લિપ હો કે 10 મિનિટનું ટ્યુટોરિયલ, બધું Reels રૂપે જ પ્રકાશિત થશે. આથી કન્ટેન્ટ ક્રિએટર્સને વધુ સ્વતંત્રતા મળશે.
પ્રાઇવસી સેટિંગ્સ તમારા નિયંત્રણમાં રહેશે
Meta એ સ્પષ્ટ કર્યું છે કે તમારી ઓડિયન્સ સેટિંગ્સ જાળવવામાં આવશે. જો તમે પહેલાં “Friends”ને તમારી પોસ્ટની ઓડિયન્સ બનાવી છે, તો Reelsમાં પણ તે જ સેટિંગ લાગુ રહેશે. નવા વીડિયો પોસ્ટ કરતી વખતે એક વખત સેટિંગ કન્ફર્મ અથવા અપડેટ કરવાની તક મળશે.
“Video” ટૅબનું નામ હવે “Reels” થશે
Facebookના Video ટૅબનું નામ હવે “Reels” રાખવામાં આવશે. તેનો અર્થ એ નથી કે લાંબા વીડિયો કે લાઈવ કન્ટેન્ટ હટાવવામાં આવશે. તમે તમારા રસ મુજબ બધા પ્રકારના વીડિયો જોઈ શકશો. આ બદલાવ ફક્ત ઈન્ટરફેસને એકસાથે લાવવા માટે છે, કન્ટેન્ટને સીમિત કરવા માટે નહીં.
જૂના વીડિયોનું શું થશે?
Meta એ જણાવ્યું છે કે પહેલાના અપલોડ કરેલા વીડિયો તેમ જ રહેશે અને તેમાં કોઈ ફેરફાર નહીં થાય. પરંતુ હવે પછી જે પણ નવું વીડિયો મુકશો તે Reel તરીકે જ દેખાશે.
Meta નો હેતુ શું છે?
આ બદલાવ પાછળ Metaનો હેતુ Facebook પર વીડિયો અનુભવને વધુ સરળ અને એકરૂપ બનાવવાનો છે. કંપની માનતી છે કે આથી યુઝર્સને નવું કન્ટેન્ટ શોધવા, બનાવવા અને શેર કરવા સરળતા થશે, અને ક્રિએટર્સ અને દર્શકો વચ્ચેનો સંપર્ક પણ મજબૂત બનશે.
