ED in money laundering case : ઈડીએ મની લોન્ડરિંગના નવા કેસમાં ફરી એકવાર પ્રખ્યાત હસ્તીઓને સમન્સ પાઠવ્યા છે. અહેવાલ છે કે ટીવી અભિનેત્રી ક્રિસ્ટલ ડિસોઝા અને કરણ વાહીને મની લોન્ડરિંગ કેસમાં પૂછપરછ માટે બોલાવવામાં આવી છે. જ્યારે નિયા શર્માને પહેલાથી જ સમન્સ પાઠવવામાં આવ્યું હતું. ‘ન્યૂઝ 18’ના અહેવાલ મુજબ, નિયાને સમન્સ જારી કરવામાં આવ્યું છે અને બાકીના બે કલાકારોની તપાસ એજન્સી દ્વારા 3 જુલાઈએ પૂછપરછ કરવામાં આવશે.
આ સેલેબ્સને આંતરરાષ્ટ્રીય બ્રોકર્સ, ખાસ કરીને OctaFX ટ્રેડિંગ એપ અને OctaFX.com દ્વારા ગેરકાયદેસર ઑનલાઇન ફોરેક્સ ટ્રેડિંગમાં સામેલ થવા અંગે પૂછપરછ કરવામાં આવી રહી છે. જો કે, EDએ એપ્રિલ મહિનામાં જ મુંબઈ, ચેન્નાઈ, કોલકાતા અને દિલ્હીમાં ઘણી જગ્યાએ આ કેસમાં સર્ચ ઓપરેશન હાથ ધર્યું હતું. હવે આ મામલે કાર્યવાહી કરવામાં આવી છે અને નિવેદન નોંધવામાં આવી રહ્યું છે.
EDએ નિયા શર્માને સમન્સ પાઠવ્યું હતું.
EDએ નિયા શર્માને સમન્સ પાઠવ્યું હતું.નિયા શર્માને પણ EDએ સમન્સ પાઠવ્યું છે, જેના પર આવી એપ્સને પ્રમોટ કરવાનો આરોપ છે. નિયા શર્મા, ક્રિસ્ટલ ડિસોઝા અને કરણ વાહી ટેલિવિઝન ઇન્ડસ્ટ્રીના પ્રખ્યાત નામ છે. કરણ ‘દિલ મિલ ગયે’ અને ‘ચન્ના મેરેયા’ જેવા શો માટે જાણીતો છે. હાલમાં તે ‘રાયસિંઘાણી વર્સીસ રાયસિંઘાણી’માં જોવા મળે છે.
નિયા શર્માના ટીવી શો.
બીજી તરફ, નિયા અને ક્રિસ્ટલે 2011 થી 2013 દરમિયાન પ્રસારિત થયેલા લોકપ્રિય શો ‘એક હજારો મેં મેરી બેહના હૈ’માં સાથે કામ કર્યું હતું. બાદમાં ક્રિસ્ટલે ‘બ્રહ્મરાક્ષસ’, ‘બેલન વાલી બહુ’ અને ‘એક નયી પહેચાન’ જેવા શોમાં પણ કામ કર્યું હતું. નિયા હાલમાં ‘સુહાગન ચૂદૈલ’ અને ‘લાફ્ટર શેફ’માં જોવા મળી રહી છે.
