Dollar vs Rupee : આજે એટલે કે 18 એપ્રિલે શરૂઆતના કારોબારમાં યુએસ ડોલર સામે રૂપિયો 12 પૈસા વધીને 83.49 પર પહોંચ્યો હતો. વિદેશી હૂંડિયામણના વેપારીઓએ જણાવ્યું હતું કે સ્થાનિક બજારોમાં વધારો અને યુએસ ડૉલર તેના ઉચ્ચ સ્તરેથી પીછેહઠને કારણે સ્થાનિક ચલણમાં વધારો થયો છે. પ્રારંભિક સોદા પછી, તે ઘટીને ડોલર દીઠ 83.49 થઈ ગયો, જે અગાઉના બંધ ભાવ કરતાં 12 પૈસાનો વધારો દર્શાવે છે.
તમને જણાવી દઈએ કે મંગળવારે રૂપિયો પ્રતિ ડોલર 83.61 ના સર્વકાલીન નીચલા સ્તર પર બંધ થયો હતો. તે જ સમયે, ‘રામ નવમી’ નિમિત્તે બુધવારે કરન્સી બજારો બંધ રહ્યા હતા.
દરમિયાન, ડૉલર ઇન્ડેક્સ, જે છ મુખ્ય કરન્સી સામે યુએસ ડૉલરની મજબૂતાઈને માપે છે, તે 0.07 ટકા ઘટીને 105.88 પર ટ્રેડ કરી રહ્યો હતો. વૈશ્વિક તેલ બેન્ચમાર્ક બ્રેન્ટ ક્રૂડ ફ્યુચર્સ 0.33 ટકા વધીને બેરલ દીઠ US $87.58 પર ટ્રેડ કરી રહ્યાં છે.
શેરબજારના ડેટા અનુસાર, વિદેશી સંસ્થાકીય રોકાણકારો (FII) મંગળવારે મૂડીબજારમાં વેચાણકર્તા હતા અને તેમણે રૂ. 4,468.09 કરોડના શેરનું વેચાણ કર્યું હતું.
