પ્રેમ ખાતર સરહદ પાર કરીને ભારત આવેલી સીમા હૈદર સતત ચર્ચામાં છે. એકદમ ફિલ્મ જેવી સીમા હૈદર અને સચિનની લવ સ્ટોરી સોશિયલ મીડિયામાં ખૂબ જ વાયરલ થઈ રહી છે. આ દરમિયાન તેમને નોકરીને ઓફર અને તેમની પ્રેમ કહાનીને ફિલ્મી પડદે બતાવવાની પણ તૈયારીઓ ચાલી રહી છે. ફિલ્મ માટે ઓડિશન પણ શરુ થઈ ગયા છે. ત્યારે સૂત્રો દ્વારા હવે એવા રિપોર્ટ સામે આવ્યા છે કે, સીમા હૈદરની પાકિસ્તાન જવાની ટિકિટ કપાઈ ગઈ છે. એટલે કે ટૂંક સમયમાં સીમા હૈદરને પાકિસ્તાન પરત જવાનો વારો આવી શકે છે. જાે કે, આ વાતનો ખુલાસો પણ ટૂંક સમયમાં થઈ જશે. સીમા હૈદર અને સચિન પર ફિલ્મ બનાવવાની જાહેરાત થયા બાદ લોકોએ પોતાનો ગુસ્સો ઠાલવવાનું શરુ કરી દીધું છે. વાત એવી છે કે, સીમા તેના ચાર બાળકો સાથે ભારતમાં ગેરકાયદે દાખલ થઈ છે.
આ સ્થિતિમાં તેમના પર ફિલ્મ બનાવવાની જાહેરાતે આગમાં ઘી હોમવાનું કામ કર્યુ છે. એ પછી અભિષેક સોમ નામના એક શખસે આનો વિરોધ કરતા સીમા હૈદર અને તેના પર ફિલ્મ બનાવવા જઈ રહેલાં અમિત જાનીની પાકિસ્તાનની ટિકિટ કપાવી છે. અભિષેકે આ બંનેની પાકિસ્તાનની ટિકિટ કરાવી છે અને સોશિયલ મીડિયા પર પણ પોસ્ટ કરી છે. અભિષેક સોમ નામનો આ ટિ્વટર યૂઝર સીમા હૈદર અને સચિનની લવ સ્ટોરી પર બનવા જઈ રહેલી ફિલ્મનો ખૂબ જ વિરોધ કરી રહ્યો છે. નોઈડા પોલીસ સ્ટેશનમાં ફરિયાદ પણ થઈ છે. તોઆ ટિ્વટર યૂઝરે સીમા હૈદર પર ફિલ્મ બનાવા જઈ રહેલાં અમિત જાની પર આરોપ લગાવ્યો છે કે, તે દેશમાં હિંસા ફેલાવવા માગે છે અને એટલા માટે સીમા હૈદરને પાકિસ્તાન પરત મોકલી દેવામાં આવે. મહત્વનું છે કે, જાની ફાયરફોક્સ પ્રોડક્શન હાઉસ દ્વારા સીમા હૈદર અને સચિનની લવ સ્ટોરી પર ફિલ્મ બનાવવામાં આવી રહી છે.
આ ફિલ્મના ઓડિશનનો એક વીડિયો પણ સોશિયલ મીડિયા પર ખૂબ જ વાયરલ થઈ રહ્યો છે. જેમાં સીમા હૈદરની ભૂમિકા માટે એક્ટ્રેસ અને મોડલ્સનું ઓડિશન લેવામાં આવી રહ્યું છે. એવા પણ રિપોર્ટ સામે આવ્યા હતા કે, પાકિસ્તાનથી ભારત આવેલી સીમા હૈદર પર ફિલ્મ બનાવવાની જાહેરાત કર્યા બાદ પ્રો઼ડ્યુસર અમિત જાનીને જાનથી મારી નાખવની ધમકીઓ પણ મળી હતી. જે બાદ અમિત જાનીએ નોઈડા અને મેરઠ પોલીસ સ્ટેશનમાં ફરિયાદ પણ નોંધાવી હતી. તેઓએ આરોપ લગાવ્યો હતો કે, મોનુ માનેસરે વોટ્સએપ કોલ દ્વારા તેમના પર હુમલો કરવાની ધમકી આપી હતી.
