Asia Cup and 2027 : ટી-20 વર્લ્ડ કપ પછી પણ ક્રિકેટનો રોમાંચ જારી રહેવાનો છે. હાલમાં ટીમ ઈન્ડિયા શ્રીલંકા પ્રવાસ પર છે. જ્યાં તે T-20 અને ODI શ્રેણી રમી રહી છે. આવતા વર્ષે ફેબ્રુઆરીમાં ચેમ્પિયન્સ ટ્રોફી (ODI)નું પણ આયોજન થવાનું છે. આ અંગે પાકિસ્તાનમાં તૈયારીઓ ચાલી રહી છે. આ દરમિયાન, આવતા વર્ષે યોજાનાર એશિયા કપ અને 2027 માં યોજાનારી આ ટૂર્નામેન્ટને લઈને એક મોટું અપડેટ સામે આવ્યું છે.
ભારત એશિયા કપ 2025ની યજમાની કરશે.
મીડિયા રિપોર્ટ્સ અનુસાર, એશિયા કપ 2025ની યજમાની ભારત કરશે. તે T-20 ફોર્મેટમાં હશે. જ્યારે બાંગ્લાદેશ 2027 એશિયા કપની યજમાની કરશે. જેનું આયોજન ODI ફોર્મેટમાં કરવામાં આવશે. રિપોર્ટમાં એશિયન ક્રિકેટ કાઉન્સિલ (ACC) દ્વારા જારી કરાયેલ IEOI દસ્તાવેજને ટાંકવામાં આવ્યો છે.
ટાઈમ્સ ઓફ ઈન્ડિયાના અહેવાલ મુજબ, ACCએ સ્પોન્સર અધિકારો માટે અરજીઓ આમંત્રિત કરી છે. તમને જણાવી દઈએ કે એશિયા કપની 2023ની આવૃત્તિ પાકિસ્તાન અને શ્રીલંકાએ સંયુક્ત રીતે યોજી હતી. ભારતે પાકિસ્તાન જવાની ના પાડી દીધી હતી. તે ODI ફોર્મેટમાં યોજાયો હતો.
