Facebook Twitter Instagram
    Shu Khabar
    Facebook Twitter Instagram
    Shu Khabar
    Home»Gujarat»આફ્રિકાથી આવ્યો જૂનાગઢમાં રહેતા પિતાને ફોન દીકરાને બચાવવો હોય તો ૮૦ લાખ રૂપિયા આપો
    Gujarat

    આફ્રિકાથી આવ્યો જૂનાગઢમાં રહેતા પિતાને ફોન દીકરાને બચાવવો હોય તો ૮૦ લાખ રૂપિયા આપો

    Shukhabar DeskBy Shukhabar DeskAugust 14, 2023No Comments2 Mins Read
    Facebook Twitter Pinterest LinkedIn Tumblr Email
    Share
    Facebook Twitter LinkedIn Pinterest Email

    જિલ્લાના માંગરોળનો એક યુવાન સાડા ચાર વર્ષથી આફ્રિકાના કોંગોમાં નોકરી કરતો હતો. આ યુવાન આફ્રિકાના કોંગોમાં ફસાયો હોવાનો ફોન પરિવારજને આવ્યો હતો. અજાણ્યા વ્યક્તિએ ફોન કરીને ફરહાનના પિતા પાસેથી ૮૦ લાખની માંગણી કરી હતી. જેથી પરિવારજનોએ માંગરોળ પોલીસને જાણ કરતા જૂનાગઢ પોલીસે મામલાની ગંભીરતા સમજી રાજ્ય સરકાર અને કેન્દ્ર સરકારનો સંપર્ક કર્યો હતો. યુવકના જીવને જાેખમ ન થાય તે માટે એમ્બેસીની મદદ માગી હતી. અંતે આ યુવક પરત પોતાના વતનમાં આવી જતા પરિવારજનો અને પોલીસે રાહતનો શ્વાસ લીધો હતો. ૧૧ ઓગસ્ટે ફરહાન પોતે હેમખેમ પરત આવતા પરિવારમાં ખુશી છવાઇ ગઇ હતી. જૂનાગઢ જિલ્લા પોલીસ વડા હર્ષદ મહેતાએ આ અંગે મીડિયા સાથેની વાતચીતમાં જણાવ્યુ કે, ફરહાનના પિતા પર અજાણી વ્યકિતનો ફોન અને પૈસાની માગણી કર્યાની જાણ પોલીસને થતા જ માંગરોળ પોલીસ સ્ટેશન, ડીવાયએસપી, તત્કાલીન એસપી અને રેન્જ આઈજીએ મામલાની ગંભીરતાને જાેતા રાજ્ય અને કેન્દ્ર સરકાર સાથે સંકલન કર્યું હતું. ત્યાં ફસાયેલા ફરહાનના જીવને જાેખમ ન થાય તે માટે કાર્યવાહી શરૂ કરી હતી. અંતે ફરહાન ૧૧ ઓગસ્ટે તેના ઘરે પહોંચી ગયો છે.

    આ અંગે ફરહાનના પિતા મુનાફ પરમારને ૨૬ જૂન ૨૦૨૩ ના રોજ ફરહાનનાં મોબાઇલ પરથી જ ફોન કરી ને ધમકી મળી હતી. જેમા જણાવ્યુ હતુ કે, ફરહાનને ભારત આવવું હશે તો ૮૦ લાખ રૂપિયા આપવા પડશે. ફરહાનના પિતાએ તાત્કાલિક માંગરોળ પોલીસનો સંપર્ક કર્યો અને માંગરોળ પોલીસે તત્કાલીન આઈ. જીઅનેએસપીને જાણ કરતા જૂનાગઢ પોલીસે રાજ્ય તેમજ કેન્દ્ર સરકાર નો સંપર્ક કર્યો હતો અને કેન્દ્ર સરકાર દ્વારા એમ્બેસીની મદદ માંગી હતી. તંત્રના પ્રયાસોથી ફરહાન ૧૧ ઓગષ્ટના રોજ હેમખેમ ભારત પરત ફર્યા હતો અને પરિવારમાં ખુશી છવાઈ ગઈ હતી. ફરહાન પરમાર છેલ્લા સાડા ચાર વર્ષથી આફ્રિકાના કોંગોમાં નોકરી કરતો હતો. માંગરોળ પરત ફરેલા ફરહાને આ અંગે જણાવ્યુ છે કે, તેમને ત્યાં રહેવામાં અને નોકરી કરવામાં કોઈ તકલીફ ન હતી. તે જૂન મહિનામાં અહીં આવવાનો હતો. સ્ટોરના હિસાબમાં ઘટ આવતા અંદાજે ૮૦ લાખ રૂપિયા જમા કરાવવાનો ફોન આવ્યો હતો. જે વાત મારા પરિવારને કરતા મારાપિતાએ પોલીસની મદદ માગી હતી. પોતાનો દીકરો પરત આવતા ફરહાનના પિતએ જણાવ્યુ કે, તેમનો પુત્ર જૂન મહિનામાં ઘરે આવવાનો હતો. ત્યારે તે ન આવ્યો પરંતુ ત્યાંથી અજાણી વ્યક્તિનો ફોન આવ્યો કે, તે ૮૦ લાખ જમા કરાવે તો જ તેમનો દીકરો ઘરે આવી શકશે. આ ફોન આવતાની સાથે જ પરિવાર ગભરાઇ ગયુ હતુ. જેથી માંગરોળ અને જૂનાગઢ પોલીસને જાણ કરવામાં આવી હતી. મારો દીકરો સુરક્ષિત ઘરે આવી ગયો છે જેથી પોલીસનો આભાર.

    Share. Facebook Twitter Pinterest LinkedIn Tumblr Email
    Shukhabar Desk

    Related Posts

    વિકાસનું મોડલ ગણાતું ગુજરાત માંદું પડ્યું ગુજરાત સરકારના કરોડો રૂપિયા ગયા પાણીમાં

    September 26, 2023

    અંબાજી જવાના રસ્તા સતત બીજા દિવસે અકસ્માત થયો

    September 26, 2023

    કલેકટરને રજૂઆત કરાઈ નર્મદાના કાંઠે ખેતીના નુકસાન માટે જાહેર કરાયેલું વળતર અપૂરતું હોવાની ખેડૂતોની રાવ

    September 26, 2023

    Leave A Reply Cancel Reply

    Facebook Twitter Instagram Pinterest
    © 2023 ThemeSphere. Designed by ThemeSphere.

    Type above and press Enter to search. Press Esc to cancel.

    Go to mobile version