આંબેડર યુનિવર્સીટીને BBA, BCA, BBA – AT (એર ટ્રાફિક) અને MSW જેવા કોર્ષ ચલાવવાની મંજૂરી ના મળી. યુજીસીના ડિસ્ટન્સ એજ્યુકેશન બ્યુરો દ્વારા મંજૂરી ના અપાઈ. વિવિધ માપદંડોને ધ્યાને લઈ યુજીસી ડિસ્ટન્સ એજ્યુકેશન બ્યુરો દ્વારા યુનિવર્સીટીઓને જુદા જુદા કોર્ષ ચલાવવાની આપવામાં આવતી હોય છે મંજૂરી. જાેકે, આ કોર્સિસને મંજૂરી આપવામાં આવી નહીં.બાબા સાહેબ આંબેડકર ઓપન યુનિવર્સિટીના રજિસ્ટ્રાર અજયસિંહ જાડેજાએ જણાવ્યુંકે, યુનિવર્સીટીઓએ દર પાંચ વર્ષે મંજૂરી લેવાની રહે છે, જે મુજબ BAOU દ્વારા ૧૬ કોર્ષ માટે ૩૧ માર્ચે અરજી કરાઈ હતી. ૧૬ કોર્ષમાંથી શરૂઆતમાં ૨૧ જૂને ૩ કોર્ષની જ મંજૂરી મળતા બાકીના ૧૩ કોર્ષની મંજૂરી મેળવવા ૧૪ જુલાઈએ આંબેડકર યુનિવર્સીટી અપીલમાં ગઈ હતી. ત્યારબાદ વધુ ૯ કોર્ષની મંજૂરી ૩૧ જુલાઈએ મળી હતી, આખરે ૧૬માંથી ૪ કોર્ષની મંજૂરી આખરે ના જ મળી.
આંબેડર યુનિવર્સીટીને BBA, BCA, BBA – AT(એર ટ્રાફિક) અને MSW જેવા કોર્ષ ચલાવવાની મંજૂરી ના મળતા ૧,૦૪૫ વિદ્યાર્થીઓનું વર્ષ બગડે તેવી સ્થિતિ સર્જાઈ. ચાલુ વર્ષે વિદ્યાર્થીઓને પ્રવેશ આપી ફી પણ લેવાઈ ચૂકી હતી, હવે આ સ્થિતિમાં તમામ ૧,૦૪૫ હજાર જેટલા વિદ્યાર્થીઓનું એકવર્ષ બગડે તેવી શક્યતા.BBA માં ૧૯૦, BCA માં ૨૬૬, BBA – AT (એર ટ્રાફિક)માં ૧૮ અને MSW માં ૫૭૧ વિદ્યાર્થીઓએ BAOU ખાતે પ્રવેશ લીધો હતો. આંબેડકર યુનિવર્સીટીને યુજીસીના ડિસ્ટન્સ એજ્યુકેશન બ્યુરો તરફથી મંજૂરી ના મળતા વિવિધ રિજિનલ સેન્ટરને જાણ પણ કરાઈ સુરત, રાજકોટ, ભાવનગર, ગોધરા, ભૂજ સહિતના સેન્ટરના ડિરેક્ટરોને ઈમેઈલ કરી અપાયેલા પ્રવેશ રદ કરી દેવા જાણ કરાઈ. બાબા સાહેબ આંબેડકર ઓપન યુનિવર્સીટીએ યુજી અને પીજીના વિવિધ ડિસ્ટન્સ લર્નિંગ કોર્ષ ચલાવતી ગુજરાતની એકમાત્ર સરકારી ઓપન યુનિવર્સીટી.
BAOU ના રજિસ્ટ્રાર અજયસિંહ જાડેજાએ કહ્યું કે, નિયમ મુજબ પ્રક્રિયા અભ્યાસક્રમ ચલાવવા માટે કરી હતી. પ્રવેશ સમયે વેબસાઈટ પર સમગ્ર માહિતીઓ પણ શેર કરવામાં આવી હતી, પ્રોવિઝનલ પ્રવેશ આપી રહ્યા છીએ, ૩૧ ઓગસ્ટના રોજ પ્રવેશ નિશ્ચિત કરીશું એ અંગે જાણ વિદ્યાર્થીઓને અગાઉથી કરેલી હતી. BAOU ના રજિસ્ટ્રારે કહ્યું કે ફરી એકવાર આગામી સત્રમાં અમે BBA, BCA, BBA – AT (એર ટ્રાફિક) અને MSW ના કોર્ષની મંજૂરી માટે યુજીસીના ડિસ્ટન્સ એજ્યુકેશન બ્યુરોમાં અરજી કરી, મંજૂરી મેળવીશું. BAOU ના રજિસ્ટ્રારે કહ્યું કે, MBA અને MCA જેવા બે નવા કોર્ષની મંજૂરી મળી છે, જેમાં ૨૦ હજાર વિદ્યાર્થીઓએ પ્રવેશ લીધો છે, જે દેશની કોઈપણ ઓપન યુનિવર્સીટીમાં રેકોર્ડ બન્યો છે.
