રાજનાથ સિંહનો કોંગ્રેસ પર પ્રહાર: ‘રિજીમ ચેન્જ’ અને અરાજકતા ફેલાવવાનો વિપક્ષ પર આક્ષેપ
કેન્દ્રીય સંરક્ષણ મંત્રી રાજનાથ સિંહે વિપક્ષી ગઠબંધન પર તીખો પ્રહાર કરતા આરોપ લગાવ્યો છે કે તેઓ દેશમાં રાજકીય અસ્થિરતા અને અરાજકતા ફેલાવવાનો સતત પ્રયાસ કરી રહ્યા છે. તેમણે સ્પષ્ટ કર્યું કે મુખ્ય ચૂંટણી કમિશ્નર અને એસઆઈઆરના વિરોધના નામે વિપક્ષ દ્વારા કરવામાં આવતા પ્રદર્શનો લોકશાહીના હિતમાં નથી પરંતુ સત્તા મેળવવાની રાજકીય રમત છે.
બાંગ્લાદેશ જેવી સ્થિતિ સર્જવાનો વિપક્ષનો પ્રયાસ
લખનૌમાં આયોજિત પત્રકાર પરિષદમાં સિંહે જણાવ્યું કે વિપક્ષી નેતાઓ બાંગ્લાદેશની જેમ દેશમાં ‘રિજીમ ચેન્જ’ એટલે કે સત્તાપલટો કરવાની વાતો કરી રહ્યા છે. તેમણે આક્ષેપ કર્યો કે વિપક્ષનો મુખ્ય એજન્ડા દેશની બંધારણીય અને લોકતાંત્રિક સંસ્થાઓને નુકસાન પહોંચાડવાનો છે. કેટલાક નેતાઓના નિવેદનો દેશના વાતાવરણને બગાડવા અને યુવાનોના ભવિષ્ય સાથે રમત રમવાની દિશામાં નિર્દેશ કરે છે.
રાહુલ ગાંધી અને સહયોગીઓને આકરી સલાહ
સંરક્ષણ મંત્રીએ કોંગ્રેસ નેતા રાહુલ ગાંધીને સલાહ આપતા કહ્યું કે લોકશાહી અરાજકતા ફેલાવવાનું કે બંધારણીય સંસ્થાઓની છબી ખરાબ કરવાનું લાયસન્સ નથી આપતી. તેમણે ઉમેર્યું કે સુપ્રસિદ્ધ સર્વોચ્ચ અદાલતની તાજેતરની ટિપ્પણી પણ કાયદા અને વ્યવસ્થા જાળવવાનો સંકેત આપે છે. વિપક્ષે ટકરાવના રસ્તાને બદલે જનમતનો સ્વીકાર કરીને રાષ્ટ્ર નિર્માણના સકારાત્મક માર્ગ પર ચાલવું જોઈએ.
કોંગ્રેસના શાસનકાળના ત્રણ મોટો અક્ષમ્ય અપરાધ
રાજનાથ સિંહે ઇતિહાસ યાદ અપાવતા કહ્યું કે કોંગ્રેસે દેશમાં ત્રણ મોટા અક્ષમ્ય અપરાધો કર્યા છે. જેમાં વર્ષ ૧૯૭૫માં લાદવામાં આવેલી કટોકટી, ૧૯૮૪માં થયેલા સિખ વિરોધી રમખાણો અને ૧૯૯૦ના દાયકામાં રામભક્ત કારસેવકો પર અત્યાચાર કરનારા લોકોને આપેલું રાજકીય સમર્થન શામેલ છે. આ ઘટનાઓ કોંગ્રેસના કાળા ઇતિહાસ અને તેમની સત્તા ભૂખની માનસિકતાને છતી કરે છે.
ચૂંટણી પંચ અને નવીન ચાવલા વિવાદની યાદી
તેમણે ભૂતકાળના દસ્તાવેજો ટાંકીને કહ્યું કે ૧૯૯૩માં કોંગ્રેસે રાતોરાત બે નવા ચૂંટણી કમિશ્નરની નિમણૂક કરીને પંચમાં ફેરફાર કર્યા હતા. તત્કાલીન મુખ્ય ચૂંટણી કમિશ્નર ગોપાલસ્વામીએ નવીન ચાવલા પર સંવેદનશીલ માહિતી કોંગ્રેસ સાથે શેર કરવાનો આરોપ લગાવ્યો હતો. આટલા ગંભીર આરોપો હોવા છતાં, કોંગ્રેસે ચાવલાનો બચાવ કર્યો અને બાદમાં તેમને મુખ્ય ચૂંટણી કમિશ્નર પણ બનાવ્યા હતા.
મતદાર ઓળખપત્ર અને એમ. એસ. ગિલનો ઉલ્લેખ
રાજનાથ સિંહે વધુમાં ઉમેર્યું કે કોંગ્રેસના સમયમાં નિયુક્ત થયેલા પૂર્વ મુખ્ય ચૂંટણી કમિશ્નર એમ. એસ. ગિલ પાછળથી કોંગ્રેસ સરકારમાં કેન્દ્રીય મંત્રી બન્યા હતા. પાંચ દાયકા સુધી દેશમાં મતદાર ઓળખપત્ર વિના જ ચૂંટણીઓ યોજાતી હતી. ૧૯૯૩ પછી જ્યારે પક્કા પુરાવા સાથે વોટર આઈડી કાર્ડ આવ્યા, ત્યારથી કોંગ્રેસ માટે દેશમાં બહુમતી મેળવવી ખૂબ જ મુશ્કેલ બની ગઈ છે.
