Bank Holiday: બેંકનું કામ પતાવતા પહેલા ચેક કરી લો રજાઓ! ઓગસ્ટમાં રક્ષાબંધન અને તહેવારો પર આ તારીખોએ નહિ થાય કામકાજ
જો ઓગસ્ટ ૨૦૨૬ના મહિનામાં તમારે બેંક સંબંધિત કોઈ મહત્વપૂર્ણ કામકાજ પતાવવાનું હોય, તો ઘરની બહાર નીકળતા પહેલા રજાઓની યાદી ચોક્કસ ચકાસી લેજો. ભારતીય રિઝર્વ બેંક (RBI) દ્વારા જાહેર કરવામાં આવેલા હોલિડે કેલેન્ડર મુજબ, ઓગસ્ટ ૨૦૨૬માં દેશના વિવિધ રાજ્યોમાં બેંકો કુલ ૧૪ દિવસ માટે બંધ રહેશે. આ ૧૪ દિવસોમાં રવિવાર, બીજા અને ચોથા શનિવારની રજાઓ ઉપરાંત દેશના વિવિધ પ્રાદેશિક અને ધાર્મિક તહેવારોનો સમાવેશ થાય છે. આથી જ છેલ્લી ઘડીએ કોઈ મુશ્કેલી ન પડે તે માટે સમયસર તમારા બેંકિંગ કામોનું આયોજન કરી લેવું હિતાવહ છે.
ઓગસ્ટ મહિનામાં આ તારીખોએ બેંકો બંધ રહેશે
આગામી ઓગસ્ટ ૨૦૨૬માં બેંકો ૨, ૪, ૮, ૯, ૧૩, ૧૫, ૧૬, ૧૯, ૨૨, ૨૩, ૨૫, ૨૬, ૨૮ અને ૩૦ ઓગસ્ટના રોજ બંધ રહેશે. જોકે, બેંક ગ્રાહકોએ ખાસ ધ્યાન રાખવું કે આ તમામ રજાઓ સમગ્ર દેશમાં એકસાથે લાગુ પડશે નહીં. તેમાંથી ઘણી રજાઓ સ્થાનિક તહેવારો અનુસાર ચોક્કસ રાજ્યો પૂરતી જ મર્યાદિત રહેશે. આથી શાખામાં જતાં પહેલાં તમારા રાજ્યમાં લાગુ પડતી રજાઓની માહિતી મેળવી લેવી જરૂરી છે.
તહેવારો અને ખાસ પ્રસંગોની રાજ્યવાર યાદી
RBI કેલેન્ડર અનુસાર ઓગસ્ટ માસ દરમિયાન દેશના વિવિધ ભાગોમાં આ તારીખોએ બેંક અવકાશ રહેશે:
૪ ઓગસ્ટ: કેર પૂજા (ત્રિપુરા)
૮ ઓગસ્ટ: તેન્દોંગ લ્હો રમ ફાટ (સિક્કિમ)
૧૩ ઓગસ્ટ: દેશભક્ત દિવસ (મણિપુર)
૧૫ ઓગસ્ટ: સ્વાતંત્ર્ય દિન (સમગ્ર ભારતમાં રાષ્ટ્રીય રજા)
૧૯ ઓગસ્ટ: મહારાજા બીર બિક્રમ કિશોર માણિક્ય બહાદુર જયંતિ (ત્રિપુરા)
૨૫ ઓગસ્ટ: મિલાદ-ઉન-નબી / પ્રથમ ઓણમ (કેરળ અને આંધ્રપ્રદેશ)
૨૬ ઓગસ્ટ: ઈદ-એ-મિલાદ / બારાવાફાત / થિરૂવોણમ (ગુજરાત, મહારાષ્ટ્ર, કર્ણાટક, તમિલનાડુ, તેલંગાણા, ઉત્તર પ્રદેશ, દિલ્હી વગેરે)
- ૨૮ ઓગસ્ટ: રક્ષાબંધન / શ્રી નારાયણ ગુરુ જયંતી (ગુજરાત, મધ્યપ્રદેશ, રાજસ્થાન, ઉત્તરાખંડ, કેરળ, હિમાચલ પ્રદેશ વગેરે)
વીકેન્ડની રજાઓનું વિવરણ
ઓગસ્ટ ૨૦૨૬ના મહિનામાં કુલ ૭ રજાઓ વીકેન્ડ્સ (સાપ્તાહિક રજાઓ)ના કારણે રહેશે. જેમાં ૨, ૯, ૧૬, ૨૩ અને ૩૦ ઓગસ્ટના રોજ રવિવારની સાપ્તાહિક રજા રહેશે. આ સિવાય નિયમ મુજબ ૮ ઓગસ્ટના રોજ બીજો શનિવાર અને ૨૨ ઓગસ્ટના રોજ ચોથો શનિવાર હોવાને કારણે દેશભરમાં બેંકોમાં કામકાજ બંધ રહેશે.
ઓનલાઈન ડિજિટલ સેવાઓ કાર્યરત રહેશે
બેંક શાખાઓ ભૌતિક રીતે બંધ રહેવા છતાં ગ્રાહકોને કોઈ મોટી મુશ્કેલીનો સામનો કરવો પડશે નહીં. રજાઓના દિવસોમાં પણ નેટ બેંકિંગ, મોબાઇલ બેંકિંગ, UPI અને ATM સેવાઓ ૨૪ કલાક નિરંતર ચાલુ રહેશે. જેથી નાણાકીય લેવડદેવડ કે ટ્રાન્સફર સંબંધિત કામો ઓનલાઈન માધ્યમથી આસાનીથી કરી શકાશે. પરંતુ જો તમારે રોકડ જમા કરાવવા કે ચેક ક્લિયરિંગ જેવા કામ માટે બેંક બ્રાન્ચમાં જવું જરૂરી હોય, તો આ લિસ્ટ ધ્યાનમાં રાખીને જ તમારું શેડ્યૂલ બનાવવું.
