ફિલ્મ હેરિટેજ ફાઉન્ડેશન દેવ આનંદની ૧૦૦મી જન્મજયંતિ નિમિત્તે બે દિવસીય ઉત્સવનું આયોજન કરવા જઈ રહ્યું છે. આ સમયગાળા દરમિયાન, તેમની ફિલ્મો મુંબઈ, હૈદરાબાદ, અમદાવાદ, તિરૂવનંતપુરમ, ચેન્નાઈ, બેંગલુરુ, કોલકાતા, લખનૌ, ગુવાહાટી, ઈન્દોર, જયપુર, નાગપુર, દિલ્હી જેવા ૩૦ શહેરોમાં ૫૫ સિનેમા હોલમાં પ્રદર્શિત કરવામાં આવશે.
આ તહેવાર ૨૩ અને ૨૪ સપ્ટેમ્બરે ઉજવવામાં આવશે – ૨૬ સપ્ટેમ્બરે તેમના જન્મદિવસના બે દિવસ પહેલા. ફિલ્મ હેરિટેજ ફાઉન્ડેશનઃ આ ફેસ્ટિવલ નેશનલ ફિલ્મ ડેવલપમેન્ટ કોર્પોરેશન ઓફ ઈન્ડિયા અને નેશનલ ફિલ્મ આર્કાઈવ ઓફ ઈન્ડિયા અને ઁફઇ ૈંર્દ્ગંઠના સહયોગથી ઉજવવામાં આવશે. ફેસ્ટિવલની થીમ હશે, ‘આનંદજ્ર૧૦૦ – ફોરએવર યંગ’! આ સમય દરમિયાન તેની ‘હમ દોનો’, ‘તેરે ઘર કે સામને’, ‘સીઆઈડી’, ‘ગાઈડ’, ‘જ્વેલ થીફ’ અને ‘જાેની મેરા નામ’ જેવી ફિલ્મો દર્શાવવામાં આવશે.
આયોજકોના જણાવ્યા અનુસાર, આ પહેલીવાર છે જ્યારે કોઈ સરકારી સંસ્થા કોઈ ફિલ્મ ફેસ્ટિવલ માટે આટલા મોટા પાયે બિન-લાભકારી સંસ્થા સાથે સહયોગ કરી રહી છે.
આ ફેસ્ટિવલ માટે, નેશનલ ફિલ્મ હેરિટેજ મિશન હેઠળ, દેવ આનંદની ફિલ્મોને ૪દ્ભ રિઝોલ્યુશનમાં મોટી સ્ક્રીન પર જાેવા માટે ખાસ રિસ્ટોર કરવામાં આવી છે. દેવ આનંદના પુત્ર અને ફિલ્મ નિર્માતા સુનીલ આનંદનું કહેવું છે કે તેમને એ જાણીને આનંદ થયો છે કે ફિલ્મ હેરિટેજ ફાઉન્ડેશન તેમના પિતાની ૧૦૦મી જન્મજયંતિના અવસર પર આ પ્રકારના ફેસ્ટિવલનું આયોજન કરી રહ્યું છે. ફિલ્મ હેરિટેજ ફાઉન્ડેશનના સ્થાપક ફિલ્મ નિર્માતા અને કાર્યકર્તા શિવેન્દ્ર સિંહ ડુંગરપુર છે.
