Mahindra XEV 7e:મહિન્દ્રાની નવી ઇલેક્ટ્રિક SUV XEV 7e ટૂંક સમયમાં બજારમાં આવશે, પેટ્રોલ-ડીઝલનો અંત!
Mahindra XEV 7e:મહિન્દ્રા હવે તેમના ઇલેક્ટ્રિક વાહનોની શ્રેણીનું વિસ્તરણ કરી રહી છે. કંપનીનું નવીનતમ મોડેલ, XEV 7e, ખાસ ઇલેક્ટ્રિક કાર માટે બનાવાયેલા INGLO મોડ્યુલર સ્કેટબોર્ડ પ્લેટફોર્મ પર તૈયાર થશે. આ SUV XUV700 ની ઇલેક્ટ્રિક આવૃત્તિ છે અને તેમાં BE 6 અને XEV 9e જેવા પાવરટ્રેન વિકલ્પ હશે.
XEV 7e માં 59 kWh અને 79 kWh બેટરી પેક મળશે, જે એક વખત ચાર્જ કરવામાં આશરે 600 કિમી સુધીની રેન્જ આપે છે. આ મોડેલમાં ફુલ LED લાઈટ્સ, ડ્યુઅલ ટોન એરો એલોય વ્હીલ્સ અને પેનોરેમિક સનરૂફ જેવી લક્ઝરી સુવિધાઓ ઉપલબ્ધ થશે.
ઇન્ટીરિયરમાં, આ SUVમાં ટુ-સ્પોક સ્ટીયરિંગ, 16 સ્પીકર હરમન કાર્ડન સાઉન્ડ સિસ્ટમ, મલ્ટી-ઝોન ક્લાઇમેટ કંટ્રોલ અને વેન્ટિલેટેડ સીટ્સ જેવી સુવિધાઓ હશે. ટેકનોલોજી અને આરામને ધ્યાનમાં રાખીને નવા ડેશબોર્ડ અને એમ્બિયન્ટ લાઇટિંગ પણ આપવામાં આવશે.
XEV 7e નવા બેટરી કન્ફિગરેશન સાથે આવશે, જેમાં 60-65 kWh અને 80 kWh બેટરી વિકલ્પ હશે. આ કાર RWD (રિયર વ્હીલ ડ્રાઇવ) અને AWD (ઓલ-વ્હીલ ડ્રાઇવ) બંને વર્ઝનમાં મળશે. ટોચના મોડલમાં 325 bhp શક્તિ સાથે બે મોટર હશે.
મહિન્દ્રાએ આ SUVની સત્તાવાર લોન્ચ તારીખ જાહેર કરી નથી, પરંતુ 2025ના અંતમાં અથવા 15 ઓગસ્ટ, 2025ના ઇવેન્ટમાં આ મોડેલ રજૂ થવાની સંભાવના છે. આ મોડેલ BE 6 અને XEV 9e વચ્ચેની જગ્યા ભરીને મહિન્દ્રાના ઇલેક્ટ્રિક કાર પોર્ટફોલિયોનું મજબૂત સ્થાન બનાવશે.
