Electronics exports: ઇલેક્ટ્રોનિક્સ નિકાસ પહેલીવાર રૂ. 3 લાખ કરોડને કુદાવી જવાની તૈયારીમાં

Electronics exports

ભારતની ઇલેક્ટ્રોનિક્સ નિકાસ નાણાકીય વર્ષ ૨૦૨૫માં પહેલીવાર રૂ. ૩ લાખ કરોડને વટાવી જવાની તૈયારીમાં છે. જોકે અંતિમ આંકડા હજુ જાહેર થવાના બાકી છે, એપ્રિલ-ફેબુ્રઆરીના આંકડા સ્પષ્ટ કરે છે કે આ ક્ષેત્ર રેકોર્ડ હાંસલ કરશે તે લગભગ નિશ્ચિત છે. ૧૧ મહિનાના સમયગાળા દરમિયાન, ઇલેક્ટ્રોનિક્સ નિકાસ રૂ. ૨.૮૭ લાખ કરોડને સ્પર્શી ગઈ છે, જે પાછલા નાણાકીય વર્ષના સમાન સમયગાળા દરમિયાન રૂ. ૨.૧૧ લાખ કરોડથી ૩૫% વધુ છે.

શિપમેન્ટમાં વૃદ્ધિ એવા સમયે થઈ જ્યારે એકંદર મર્ચેન્ડાઇઝ નિકાસ સ્થિર રહી છે. તે છેલ્લા કેટલાક વર્ષોમાં ઇલેક્ટ્રોનિક્સ અને આઇટી મંત્રાલય દ્વારા અમલમાં મુકવામાં આવેલી બહુવિધ યોજનાઓ અને કાર્યક્રમોની સફળતાને પ્રતિબિંબિત કરે છે.