Union Home Minister : કેન્દ્રીય ગૃહમંત્રી અમિત શાહ છત્તીસગઢની ત્રણ દિવસીય મુલાકાતે છે. તેઓ શુક્રવારે રાત્રે રાજધાની રાયપુર પહોંચ્યા હતા. અધિકારીઓ પાસેથી મળેલી માહિતી અનુસાર, ગૃહમંત્રી 25 ઓગસ્ટ સુધી આંતર-રાજ્ય સંકલન બેઠક સહિત ઘણા કાર્યક્રમોમાં ભાગ લેશે. શાહ શુક્રવારે રાત્રે 10 વાગ્યા પછી વિશેષ વિમાન દ્વારા રાયપુરના સ્વામી વિવેકાનંદ એરપોર્ટ પહોંચ્યા, જ્યાં મુખ્ય પ્રધાન વિષ્ણુ દેવ સાઈએ તેમનું સ્વાગત કર્યું.
આ અવસરે નાયબ મુખ્યમંત્રીઓ અરુણ સાઓ અને વિજય શર્મા, કેન્દ્રીય ગૃહ અને શહેરી વિકાસ રાજ્ય મંત્રી તોખાન સાહુ, છત્તીસગઢ મંત્રી પરિષદના સભ્યો અને વરિષ્ઠ અધિકારીઓ ત્યાં હાજર હતા. એરપોર્ટથી શાહ નવા રાયપુરની હોટલ માટે રવાના થયા હતા. શાહ 24 ઓગસ્ટે સવારે 10:30 વાગ્યે મહાપ્રભુ વલ્લભાચાર્ય આશ્રમની મુલાકાત લેવાના હતા. આ પછી, સવારે 11:30 વાગ્યે તેઓ રાયપુરમાં છત્તીસગઢ અને પડોશી રાજ્યોના મુખ્ય સચિવો અને પોલીસ મહાનિર્દેશકો સાથે આંતર-રાજ્ય સંકલન બેઠકમાં ભાગ લેશે.
छत्तीसगढ़ के तीन दिवसीय प्रवास पर आज रायपुर पहुँचा। कल यहाँ वामपंथी उग्रवाद प्रभावित क्षेत्रों की सुरक्षा और विकास कार्यों की समीक्षा करूँगा। मोदी जी के नेतृत्व में केंद्र सरकार और छत्तीसगढ़ की भाजपा सरकार नक्सलवाद के समूल नाश के लिए संकल्पबद्ध है। pic.twitter.com/oGuTm9aqWd
— Amit Shah (@AmitShah) August 23, 2024
અમિત શાહનો આજનો કાર્યક્રમ
બપોરે 12 થી 1.30 દરમિયાન ઇન્ટર સ્ટેટ કો-ઓર્ડિનેશન કમિટીની બેઠકમાં હાજરી આપશે.
બપોરે 2 થી 3 વાગ્યા સુધી છત્તીસગઢ પોલીસની કામગીરીની સમીક્ષા કરશે.
સાંજે 4 થી 6 દરમિયાન છત્તીસગઢના વિકાસ કાર્યોની સમીક્ષા.
રાત્રે 8 થી 9.30 દરમિયાન ડીજીપી સાથે વન ટુ વન ચર્ચા કરશે.
સુરક્ષા અને વિકાસને લગતી બેઠકમાં હાજરી આપશે.
અધિકારીઓએ જણાવ્યું કે બેઠક બાદ શાહ બપોરે 2:30 વાગ્યે છત્તીસગઢના ડાબેરી ઉગ્રવાદથી પ્રભાવિત વિસ્તારોમાં સુરક્ષા અને વિકાસ સંબંધિત બેઠકમાં ભાગ લેશે. 25 ઓગસ્ટના રોજ સવારે 10:30 વાગ્યે રાયપુરમાં નાર્કોટિક્સ કંટ્રોલ બ્યુરો (NCB)ની ઓફિસનું ઉદ્ઘાટન કરશે અને સમીક્ષા બેઠકમાં ભાગ લેશે. રાયપુરમાં જ બપોરે 1:30 વાગ્યે છત્તીસગઢમાં સહકાર વિસ્તરણ સંબંધિત બેઠકમાં હાજરી આપશે.
નક્સલ વિરોધી ઝુંબેશ તેજ થઈ રહી છે.
મોદી સરકારના ત્રીજા કાર્યકાળમાં અમિત શાહની છત્તીસગઢની આ પ્રથમ મુલાકાત છે. ગયા વર્ષે વિધાનસભા ચૂંટણીમાં ભાજપ સત્તામાં આવ્યા બાદથી છત્તીસગઢમાં નક્સલ વિરોધી અભિયાને વેગ પકડ્યો છે. આ વર્ષે અત્યાર સુધીમાં સુરક્ષા દળોએ રાજ્યમાં અલગ-અલગ એન્કાઉન્ટરમાં 142 નક્સલવાદીઓને ઠાર કર્યા છે.
