Gautam Adani: ભારત અને એશિયાના બીજા સૌથી ધનિક વ્યક્તિ ગૌતમ અદાણી તેમની એક સંયુક્ત સાહસ કંપનીમાં પોતાનો હિસ્સો વેચવાની તૈયારી કરી રહ્યા છે. અદાણી વિલ્મર એ અદાણી ગ્રુપની એફએમસીજી કંપની છે. અદાણી ગ્રૂપ અને સિંગાપોરની ફૂડ પ્રોસેસિંગ કંપની વિલ્મર ઇન્ટરનેશનલ પાસે તેમાં લગભગ 88% હિસ્સો છે. બ્લૂમબર્ગના અહેવાલ મુજબ, બંને કંપનીઓ અદાણી વિલ્મરમાં તેમના હિસ્સાનો એક ભાગ વેચવા માટે બેંકો સાથે વાતચીત કરી રહી છે. માર્કેટ રેગ્યુલેટર સેબીના નિયમોના કારણે આ પગલું ભરવામાં આવી રહ્યું છે. સેબીના નિયમો અનુસાર, કોઈપણ કંપનીમાં પ્રમોટર્સનો હિસ્સો 75% થી વધુ ન હોઈ શકે.
સૂત્રોના જણાવ્યા અનુસાર અદાણી વિલ્મરમાં 13% હિસ્સો વેચી શકે છે. આ સોદો લગભગ $670 મિલિયનનો હોઈ શકે છે. આ વર્ષે કંપનીના શેરમાં સાત ટકાનો ઘટાડો થયો છે અને કંપનીનું મૂલ્ય ઘટીને પાંચ અબજ ડોલરની આસપાસ આવી ગયું છે. સૂત્રોના જણાવ્યા અનુસાર આ અંગે હજુ પણ ચર્ચા ચાલી રહી છે અને હિસ્સાના વેચાણના કદ અને સમયમાં ફેરફાર થઈ શકે છે. અદાણી ગ્રુપ અને વિલ્મર ઈન્ટરનેશનલે આ અંગે કોઈ ટિપ્પણી કરી નથી. અદાણી વિલ્મરે પણ આ મામલે કંઈ કહ્યું નથી. સેબીના નિયમો અનુસાર, મોટી કંપનીઓએ શેરબજારમાં લિસ્ટિંગના ત્રણ વર્ષમાં તેમની ઓછામાં ઓછી 25% હિસ્સેદારી જનતાને જારી કરવી પડે છે.
કંપની શેર
અદાણી વિલ્મરની સ્થાપના વર્ષ 1999માં કરવામાં આવી હતી. તે ફોર્ચ્યુન બ્રાન્ડ હેઠળ રસોઈ તેલ, લોટ, ચણાનો લોટ અને અન્ય ઘણા ઉત્પાદનોનું ઉત્પાદન કરે છે. તેનો IPO ફેબ્રુઆરી 2022માં આવ્યો હતો. તેની ઈશ્યુ પ્રાઇસ 218 થી 230 રૂપિયા હતી. તેની 52
સપ્તાહની ઊંચી સપાટી 422.55 રૂપિયા અને નીચી કિંમત 285.85 રૂપિયા છે. આ વર્ષે કંપનીના શેરમાં સાત ટકાનો ઘટાડો થયો છે. કંપનીનું માર્કેટ કેપ રૂ. 42,986.87 કરોડ છે.
