RBI on PNB : ભારતીય રિઝર્વ બેંક (RBI) એ શુક્રવારે કહ્યું કે તેણે ‘તમારા ગ્રાહકને જાણો’ (KYC) અને ‘લોન્સ અને એડવાન્સિસ’ સંબંધિત અમુક નિર્દેશોનું પાલન ન કરવા બદલ પંજાબ નેશનલ બેંક (PNB) પર રૂ. 1.31 કરોડનો દંડ ફટકાર્યો છે. છે. રિઝર્વ બેંકે કહ્યું કે તેણે 31 માર્ચ, 2022 ના રોજ બેંકની નાણાકીય સ્થિતિના સંદર્ભમાં વૈધાનિક નિરીક્ષણ હાથ ધર્યું હતું. જે બાદ બેંકને નોટિસ આપવામાં આવી હતી.
નોટિસ પર બેંકના પ્રતિભાવને ધ્યાનમાં લીધા પછી, RBIએ અવલોકન કર્યું કે PNB એ રાજ્ય સરકારની માલિકીની બે કોર્પોરેશનોને સરકાર પાસેથી સબસિડી/રિફંડ/ભરપાઈના માધ્યમથી મળેલી રકમ સામે વર્કિંગ કેપિટલ ડિમાન્ડ લોન મંજૂર કરી છે. ઉપરાંત, જાહેર
ક્ષેત્રના ધિરાણકર્તા આ બેંકના કેટલાક ખાતાઓમાં વ્યવસાયિક સંબંધો દરમિયાન મેળવેલા ગ્રાહકોની ઓળખ અને સરનામાંને લગતા રેકોર્ડને સાચવવામાં નિષ્ફળ ગયા હતા, રિઝર્વ બેંકે જણાવ્યું હતું.
જો કે, સેન્ટ્રલ બેંકે જણાવ્યું હતું કે દંડ નિયમનકારી અનુપાલનમાં ખામીઓ પર આધારિત છે અને તેનો હેતુ બેંક દ્વારા તેના ગ્રાહકો સાથે કરવામાં આવેલા કોઈપણ વ્યવહાર અથવા કરારની માન્યતા પર કોઈ અસર કરવાનો નથી.
